Ońtústik Koreıada oqyǵysy keletin qazaqstandyqtar bas qosty
Atalǵan is-sharaǵa koreı tilin úırenýge jáne Koreıada oqýǵa degen yntasy zor jalpy sany 824 qazaqstandyq qatysty. Іs-sharanyń Instagram-da kórsetilýiniń arqasynda barlyǵy ýaqyt pen keńistikte shekteýsiz GKS baǵdarlamasy men TOPIK testi týraly maǵlumat aldy. Kezdesýge onlaın da, oflaın rejımde de qatysa almaǵandar úshin is-shara aıaqtalǵannan keıin ortalyq óz akkaýnttaryna eki beıne júktedi: kezdesýdiń translıatsııasynyń tolyq jazbasy men Koreıada oqıtyn stýdentterden GKS baǵdarlamasy boıynsha beıne-prezentatsııa. Jarııalanǵan beıneniń ekinshi bóliminde Halyqaralyq qatynastar fakýltetinde oqıtyn Ense ýnıversıtetiniń magıstratýra bóliminiń eki stýdenti Saılaýbek Araılym jáne menedjmentti zertteıtin Trýmova Aıbota Koreıadaǵy GKS baǵdarlamasy boıynsha oqýǵa daıyndyq jáne koreı ýnıversıtetine túskennen keıingi oqý protsesi týraly áńgimeledi.
Sondaı-aq is-sharada Sýnchhon ýnıversıtetiniń magıstratýra bóliminde ekonomıka fakýltetinde oqıtyn Azamatova Ajar jáne osy jyldyń birinshi jartyjyldyǵynda GKS baǵdarlamasy boıynsha grant jeńip alǵan, kelesi jyly Tegý qalasyndaǵy Kenbýk ýnıversıtetiniń magıstratýra bóliminde medıakommýnıkatsııa fakýltetinde oqıtyn Arymbaı Aızere sóz sóıledi. Olar is-sharaǵa qatysýshylarmen oflaın rejıminde kezdesip, GKS baǵdarlamasy týraly praktıkalyq aqparattarmen bólisti. Іs-shara sońynda suraqtar men jaýaptar sektsııasy uıymdastyryldy. Onda qatysýshylar GKS baǵdarlamasy jáne TOPIK testisi boıynsha baıandamashylarǵa óz suraqtaryn qoıdy.
«Koreıaǵa oqýǵa barýdy armandap, osy sharaǵa qatysýǵa sheshim qabyldaǵandardyń barlyǵyna alǵys aıtamyn. Shetelde oqý úshin koreı tilin úırený joldarynan bastap Koreıadaǵy stýdenttik ómirge deıin kóptegen qyzyqty málimetterdi bildińizder dep úmittenemin. Káris tilin úırenýdegi maqsattaryńyz oryndalyp, Koreıada oqımyn degen armandaryńyz oryndalady dep senemin», - dedi Koreı mádenı ortalyǵynyń dırektory Lı Heran hanym.
