Ońtústik Koreıada Denıs Tendi eske alý keshi ótti
«Sportshymen qoshtasý úshin eske alý keshine Denıs Tenniń dostary men fanattary jınaldy», - dedi QazAqparat tilshisine Songıýngvan ýnıaersıtetiniń saıasattaný jáne dıplomatııa mamandyǵy boıynsha magıstranty Baýyrjan Dáýitov.
Sondaı-aq, sportshymen qoshtasý keshine orys tilinde blog júrgizetin Mın Ken Hva da qatysty.
«Qazaqstan men Koreıa uly chempıondarynan aıyryldy. Denıs pen onyń atasy - Koreıa men Qazaqstannyń batyrlary», - dedi bloger.
Eske sala ketsek, Astanada ótken Denıs Tenmen qoshtasý rásiminde Ońtústik Koreıa Respýblıkasynyń Qazaqstandaǵy elshisi Kım De Sık Denıs Tenniń ólimin Qazaqstan úshin ǵana emes, álemdik qaýymdastyq úshin orny tolmas qaıǵy dep baǵalady. Elshi Denıstiń táýelsizdik úshin kúresken tanymal koreı generaly Mın Gyn Honyń urpaǵy ekenin eske saldy. «Asyl dosymyzdy eshqashan umytpaımyz», - dedi elshi.
Denıs Ten 19 shilde kúni pyshaq jaraqatynan Almaty aýrýhanasynda kóz jumdy. Іs boıynsha eki kúdikti qolǵa tústi.
Keıinirek belgili bolǵandaı, avtokólik urylary Nuraly Qııasov pen Arman Qudaıbergenov tanymal sportshyny óltirgenderin áleýmettik jeliden bilgen.
