Ońtústik Koreıada 2030 jylǵa qaraı áıelder sany er adamdardan asyp túsýi yqtımal

SEÝL. YONHAP-QazAqparat – Boljamdarǵa sáıkes, Ońtústik Koreıadaǵy áıelder sany toǵyz jyldan keıin er adamdardan asyp túsedi, dep habarlaıdy QazAqparat YONHAP agenttigine silteme jasap.

Genderlik teńdik jáne otbasy máseleleri jónindegi mınıstrlik jasaǵan esepke sáıkes, ótken jyly áıelderdiń jalpy sany 25,86 mıllıonǵa jetti, bul 51,82 mıllıon adam bolatyn eldiń jalpy halqynyń 49,9 paıyzyn quraıdy.

Ońtústik Koreıadaǵy erler men áıelderdiń ara qatynasy 2000 jyly 101,4-ten 2021 jyly 100,4-ke deıin tómendedi.

Mınıstrlik 2030 jylǵa qaraı erler men áıelderdiń ara qatynasy 99,8-ge jetýi múmkin dep málimdedi, al áıelder sany alǵash ret erler sanynan asyp túsedi dep boljanýda.