Ońtústik Koreıa elshisi taekvondodan Ashyq Azııa chempıonatynyń ashylýyna keldi
Dıplomat Atyraý qalasyna taekvondodan alǵashqy Ashyq Azııa chempıonatynyń ashylý saltanatyna qatysý úshin kelgen bolatyn. Kezdesýdegi negizgi áńgime arqaýy - eki eldiń sporttyq jetistikteri boldy.
«Atyraýǵa qonaq bolǵanyńyz úshin sizge alǵys aıtamyz. Munda alǵash ret taekvondodan Ashyq Azııa chempıonaty ótip jatyr. Azııanyń taekvondo birlestiginiń prezıdenti Kıý Seok Lıdi qarsy alǵanymyzǵa qýanyshtymyz. Sporttyq jarystar halyqtar men memleketterdi jaqyndastyrýǵa úlesin qosady.Bul sport túrinde sportshylarymyz tamasha jetistikterge jetti. Onyń biri - Indonezııadaǵy Azııa oıyndarynda kúmis júldeger atanǵan Jansel Denız",-dedi Nurlan Noǵaev. 
Oblys ákimi qazaqstandyq sportshylar kóptegen sport túrlerinde jeńis tuǵyrynan kórinip júrgenin sóz etti.
«Sport elder men halyqtardy biriktiredi. 2018 jyly Phenchhan qalasynda ótken qysqy Olımpıada oıyndarynda búkil álemde sportty biriktiretin faktor kórsetildi. Ekonomıkadaǵy qarym-qatynas týraly aıtsam, Ońtústik Koreıa bıznesiniń el jáne aımaq ekonomıkasyna qosqan úlesin atap ótkim keledi. Qazirgi tańda bizdiń kompanııamyz oblystyń munaı ónerkásibinde jumys isteıdi, medıtsına salasyn damytý úshin kóptegen jobalar daıyndaǵan. Atyraý - ınvestıtsııa úshin bolashaǵy jarqyn aımaqtardyń biri jáne Qazaqstan ekonomıkasyn damytýda úlken ról atqarady», - dedi Kım De Sık.
Dıplomat jastardyń káris tilin úırenýge qyzyǵýshylyǵyn atap ótti. Bul másele Atyraý memlekettik ýnıversıtetiniń stýdentterimen kezdesýde qozǵalǵan bolatyn.
«Biz stýdentterge qajetti bilim berý materıaldaryn usynýǵa daıynbyz. Qazaqstan prezıdenti júrgizip otyrǵan saıasattyń kópultty memlekette beıbitshilik pen kelisim ornatýǵa baǵyttalǵanyn bilemiz», - dep atap ótti elshi.
Oblys ákimi óz kezeginde elde beıbit damý úshin barlyq qajetti jaǵdaılar jasalǵanyn aıtty. Qazaqstanda turatyn 130 ulttyń quqyqtary men mindetteri teń ekenin atap ótti.
«Elbasymyz Nursultan Nazarbaevtyń saıasatynyń arqasynda Qazaqstan álemde laıyqty oryn aldy. Biz ınvestıtsııalyq jáne birlesken jobalarǵa daıynbyz. Qolaıly ınvestıtsııalyq ahýal ekonomıkanyń túrli salalarynda kóptegen jobalardy júzege asyrýǵa múmkindik beredi.Biz sizdiń eldiń ınvestıtsııalyq jobalaryn talqylaýǵa jáne qoldaýǵa daıynbyz. Jańa óndiristerdi damytý úshin barlyq alǵysharttar bar», - dedi Nurlan Noǵaev.
Koreıa Respýblıkasynyń delegatsııasy taekvondodan alǵashqy ashyq Azııa chempıonatynyń ashylý saltanatyna qatysady. Tokıoda ótetin Olımpıadaǵa lıtsenzııa alý úshin 400-ge jýyq sportshy kúresýge daıyn.
