Óńirlerdi damytýdyń ulttyq jobasynyń mindeti qandaı
«Qýatty óńirler – eldi damytýdyń draıveri» ulttyq jobasynyń negizgi maqsaty – memleket tarapynan halyqqa kórsetiletin bazalyq qyzmetterge barshanyń teńdeı qol jetkizýin qamtamasyz etetin júıe qurý.
Turǵyn úı-kommýnaldyq ahýaldy jaqsartý, turǵyn úı qurylysyn damytý, kólik qatynasynyń qaltqysyz qyzmetin qamtamasyz etý jáne eldiń kóliktik-tranzıttik áleýetin arttyrý esebinen azamattardyń ómir súrýine qolaıly orta qurý kózdelgen», - dedi saparshy QazAqparat tilshisine bergen suhbatynda.
2021-2025 jyldarǵa arnalǵan Ulttyq joba 2 baǵyttan turady.
«Bul baǵyttardy iske asyrý úshin 4 mindet qarastyrylǵan. ıAǵnı ár baǵyt sheńberinde 2 mindetti sheshý qarastyrylǵan.
«Bazalyq qyzmetterge teń qoljetimdilik» baǵyty aıasynda «Infraqurylymdyq keshendi damytý» jáne «Jaıly turǵyn úı» atty mindetterdi iske asyrý qarastyrylǵan. Mundaǵy «Infraqurylymdy keshendi damytý» mindeti boıynsha úlken qalalardyń shetki aýmaqtaryn damytý, mono jáne shaǵyn qalalarda ınjenerlik, kólik ınfraqurylymyn damytý, tirek aýyldar men spýtnık eldi mekenderdi jańǵyrtý, sýmen jabdyqtaý jáne sý burýmen qamtamasyz etý boıynsha is-sharalar atqarylady. Mysaly, Nur-Sultan, Almaty, Shymkent qalalarynyń shetki aýmaqtaryna jol, ınjenerlik jeliler jáne áleýmettik obektiler salý boıynsha birqatar aýqymdy jumys iske asyrylady. «Aýyl – El besigi» jobasynyń aıasynda aýyldy eldi mekenderdi damytý boıynsha is-sharalar jalǵasyn tabady», - dedi Óńirlik zertteýler ortalyǵy dırektorynyń orynbasary.
Mamannyń sózine qaraǵanda, 2025 jylǵa deıin Ulttyq joba aıasynda atqarylatyn is-sharalardyń nátıjesinde sapaly aýyzsýǵa degen qoljetimdilik 100% jetpek. Al «Jaıly turǵyn úı» baǵyty boıynsha baspana salý, apatty jáne eski úıler problemasyn sheshý, jer úıler qurylysyna ınjenerlik jeliler tartý jáne taǵy basqa sharalar atqarylmaq.
«Bul baǵyttyń aıasynda halyqty baspanamen qamtamasyz etý máseleleri sheshiledi. Naqtyraq aıtsaq, 103 mln sharshy metr baspana salynady.
Kólik qatynasynyń qaltqysyz qyzmetin qamtamasyz etý baǵyty aıasynda «Іshki kólik jelisin damytý» jáne «Kóliktik baılanysty arttyrý» atty 2 mindet qarastyrylǵan. ıAǵnı jańadan joldar salynyp, qoldanystaǵylary jańǵyrtylady. Jol boıyndaǵy servısti damytý sııaqty túrli sharalar iske asatyn bolady. Óńirlerde respýblıkalyq jáne jergilikti mańyzdaǵy joldardy salý jáne jańǵyrtý jobalary jalǵasady. Osy is-sharalar nátıjesinde jaǵdaıy jaqsy respýblıkalyq joldardyń úlesin 100%, jergilikti joldardyń úlesin 95% jetkizý josparlanǵan», - deıdi Nurbolat Qurmetuly.
Ulttyq joba aıasynda kólik ınfraqurylymyn damytatyn súıekti jobalar iske asýy josparlanǵan. Sarapshy solardyń negizgilerine toqtaldy.
«Temir joldardy salý jáne elektrlendirý, vagondar parkin jańartý, áýejaı ınfraqurylymyn jańǵyrtý, sý kóligin damytý sııaqty birqatar is-shara kózdelip otyr. Bul rette «Dostyq-Moıynty» temirjol ýchaskesinde ekinshi jol salý jáne elektrlendirý», «Darbaza-Maqtaaral temirjol jelisin salý» jobalaryn atap ótkim keledi. Osy jobalardyń arqasynda Qazaqstan arqyly ótetin tranzıttik tasymal kólemi qazirgi 23,5 mln tonnadan 30 mln tonnaǵa deıin artady. Jalpy Ulttyq joba sheńberinde 20 kórsetkish jáne 94 is-shara qarastyrylyp otyr. Onyń bárine 7,6 trln teńge jumsaý josparlanǵan. ıAǵnı respýblıkalyq bıýdjetten – 4 trln teńge, jergilikti bıýdjet – 0,8 trln teńge, jeke qarajat esebinen – 2,7 trln teńge tartylmaqshy.
Meniń oıymsha, atalmysh Ulttyq jobany iske asyrý Qazaqstan óńirleriniń damýyna ájeptáýir serpin beredi. Jobanyń sáttti iske asyp, kútken nátıjelerdi berýi óz mamandarymyzdyń jaýapkershiligi, eldegi ekonomıkalyq ahýal, sondaı-aq kórshiles elderdiń ınfraqurylym saıasaty sııaqty faktorlarǵa baılanysty», - deıdi Ekonomıkalyq zertteýler ınstıtýtynyń ókili.
