Óńirlerdegi oqýshylar IV toqsanda qalaı oqyp jatyr
QR Bas memlekettik sanıtarlyq dárigeriniń qaýlysy boıynsha mektep oqýshylary IV toqsanda ár túrli formatta bilim ala bastady. Naqtyraq aıtsa, «jasyl» jáne «sary» aımaqtaǵy óńirlerde barlyq oqýshy aralas oqytý formatyna kóshti. Al «qyzyl» aımaqtaǵy óńirlerde 1-5 synyptar, 9, 11 (12) synyptar úshin, sondaı-aq halyqaralyq mektepterdiń 1-7 synyptary úshin oqytýdyń aralas formaty saqtalady. Tek 6, 7, 8, 10 synyptar qashyqtan oqytylady.
Osyǵan baılanysty, búgin árbir óńirdiń bilim basshylary brıfıng ótkizip, mektepterde sabaq qalaı uıymdastyrylatynyn túsindirgen bolatyn.
Nur-Sultan qalasy
Karantın sharalarynyń qatańdaýyna baılanysty qalanyń barlyq mektebi (mektep bitirýshi synyptardy qospaǵanda (9, 11 (12) synyptar) menshik nysanyna qaramastan qashyqtan oqıtyn bolady. Al, mektep bitirýshi synyptar úshin oqytý aralas formatta (pánderdiń 70% -dástúrli formatta, 30% - qashyqtan), synypta 15 adamnan artyq emes, ata-analardyń ótinishteri boıynsha uıymdastyrylady.
Almaty qalasy
Epıdemıologııalyq jaǵdaıǵa baılanysty 1 sáýirden bastap oqýshylar qashyqtan oqýdy jalǵastyrady jáne ata-analar men zańdy tulǵalardyń ótinishteri negizinde oqýshylar sany 15 baladan aspaıtyn 1-5, 9 jáne 11 synyptarda kezekshi synyptardyń jumysy jalǵastyrylatyn bolady. Sonymen qatar qazirgi tańda tehnıkalyq jáne kásiptik bilim berý uıymdarynyń 1-4 kýrs stýdentteri qashyqtan oqýdy jalǵastyryp jatyr.
Shymkent qalasy
IV toqsanda Shymkent qalasyndaǵy jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmaı aralas formatta oqytylýda. Kolledjderdiń 1 kýrs stýdentteri ekinshi semestrde shtattyq rejımde oqytylady. Bilim berý protsesiniń barlyq qatysýshylary sanıtarııalyq-epıdemıologııalyq talaptardy saqtaýy tıis.
Aqmola oblysy
Aqmola oblysy qazirgi kezde «jasyl» aımaqta. Alaıda, oblystyń Bas sanıtarlyq dárigeriniń qaýlysy bolmaǵandyqtan, 4 toqsandaǵy oqý burynǵy formatta bastalady. Oqytýdyń dástúrli túrine oralý koronavırýstyq ınfektsııa boıynsha epıdemıologııalyq jaǵdaı turaqtanǵan kezde múmkin bolady. Sabaqtan tys ýaqytta oqýshylardyń bilimdegi olqylyqtaryn toltyrý úshin 10 myń oqýshyǵa arnalǵan 2137 jeke konsýltatıvtik toptyń jumysy uıymdastyryldy. https://www.instagram.com/tv/CNCIY-QF--E/?igshid=5h9k1ijxaiq5
Túrkistan oblysy
Túrkistan oblysyndaǵy mektepter IV toqsanda oqytýdyń aralas formatyna kóshedi. ıAǵnı, óńir táýekeli tómen nemese ortasha aımaqtarda bolǵan jaǵdaıda pánderdiń bir bóligi dástúrli túrde, bir bóligi qashyqtan oqytylady. Al, 300 oqýshyǵa deıingi kontıngenti bar mektepter oqý úrdisin dástúrli túrde jalǵastyrady.
Batys Qazaqstan oblysy
Oblys boıynsha 379 memlekettik mektep bolsa, olardyń 279-y shtattyq jáne 100 aralas formatta jumys jasaıdy. Jalpy memlekettik mektepterdegi oqýshylar kontıngenti 110 myńnan astam bolsa, olardyń 25,4%-y (28 myńnan astam oqýshy) shtattyq rejımde, al 74,6%-y (82 myńnan astam oqýshy) qashyqtan oqytylyp jatyr.
Aqtóbe oblysy
Tórtinshi toqsanda jalpy oqýshylardyń sany 300-den aspaıtyn qalalyq jáne aýyldyq 246 mektep dástúrli formatta jumys isteıdi. 170 mektepte 135 782 oqýshy qashyqtan bilim alady. Jańa qaýlyǵa sáı̆kes oqý 9, 11 (12) synyp oqýshylary balalar sanyn 25-ten asyrmaı̆ aralas formatta oqytylatyn bolady. Bul týraly oblystyq bilim basqarmasynyń basshysy Joldas Batyrhan málimdedi. https://www.facebook.com/100064242859800/videos/118876403597121/?d=n
Jambyl oblysy
Jambyl oblysy jasyl aımaqta bolǵandyqtan, 2020-2021 oqý jylynyń tórtinshi toqsanynda jalpy bilim beretin mektepterde oqý úrdisi aralas formatta uıymdastyrylady. Qosymsha suraqtardy 8 7262 43 88 39 nómiri arqyly joldap, jaýap ala alýǵa bolady.
Qaraǵandy oblysy
Oblystyń 505 mektebinde 204 myńnan astam oqýshy oqıdy. Bas memlekettik sanıtarlyq dárigerdiń qaýlysyna sáıkes, óńirdegi epıdemııalogııalyq ahýal jaqsarǵanda, oqýshylar aralas oqytý formatyna kóshedi. Synyptardaǵy balalar sany 25 adamnan aspaýy qajet.
Almaty oblysy
IV toqsanda Almaty oblysynyń sanıtarlyq-epıdemıologııalyq baqylaý departamentiniń 2021 jylǵy 25 naýryzdaǵy №6 Qaýlysyna sáıkes sanıtarlyq talaptardy qatań saqtaı otyryp, oqýshy sany 300-den aspaıtyn mektepterde balalar sany 15 adamǵa deıingi synyptar dástúrli formatta oqıdy. Jasyl jáne sary aımaqtarda ornalasqan 14 eldi-mekende oqýshylar shtattyq jáne aralas oqytý formatyna kóshedi. Qyzyl aımaqta ornalasqan 6 eldi-mekende oqýshylar qashyqtan oqıdy.
Atyraý oblysy
ІV toqsanda Atyraý oblysyndaǵy jalpy bilim beretin mektepterde Bas memlekettik sanıtarlyq dárigerdiń qaýlysyna sáıkes jalpy bilim beretin mektepterde 1 synyptan bastap 5 synypty qosa alǵanda aralas formatta 74452 oqýshy oqyp jatyr. Synyptardaǵy balalar sany 25 adamnan aspaıdy. Sondaı-aq aptanyń 6 kúni ishinde 10846 oqýshy (9,11 (12) synyptar) pánderdiń 70%-yn shtattyq rejımde, 30%-y qashyqtan aralas formatta oqýǵa ruqsat etilgen.
Qyzylorda oblysy
Bul óńirde oqýshylardyń 98,6 paıyzy dástúrli formatta bilim alady.
Qazir óńir epıdahýal boıynsha jasyl aımaqta tur. Osyǵan baılanysty oblystyń bas memlekettik sanıtarııalyq dárigeriniń qaýlysyna sáıkes balalar dástúrli túrde oqýǵa barýǵa múmkindik aldy.
Búgin munda 301 mektepte 167 571 oqý jylynyń sońǵy toqsanyn oqýshy dástúrli túrde oqyp bastady. Ata-analarynyń ótinishine sáıkes oblystaǵy oqýshylardyń 1,4 paıyzy, ıaǵnı 2312 oqýshy qashyqtan oqýdy qalady.
Qostanaı oblysy
Oblystaǵy oqýshy sany 300-ge deıingi 381 mektepte 31 myńǵa jýyq oqýshy dástúrli formatta oqyp jatyr. 5 sáýir, dúısenbi kúni 114 mekteptegi 1-11 synyp oqýshylary aralas oqytýǵa kóshedi. Osylaısha, 5 sáýirden bastap 80 myń oqýshy aralas formatta oqıtyn bolady.
Mańǵystaý oblysy
Mańǵystaý oblysy «jasyl aımaqta» bolǵandyqtan 1-11 synyp oqýshylary aralas formatta oqıdy. Oqýshy sany 300-ge deıingi mektepter oqýdy shtattyq rejımde jalǵastyrady.
Shyǵys Qazaqstan oblysy
Shyǵys Qazaqstan oblysy jasyl aımaqta bolǵandyqtan tórtinshi toqsanda kontıngenti 300-ge deıin oqýshy bolatyn mektepter oqýdy shtattyq rejımde jalǵastyrady. Qalǵan oqýshylar úshin oqý úrdisi aralas formatta uıymdastyrylatyn bolady.
Soltústik Qazaqstan oblysy
Qazir SQO «jasyl» aımaqta ornalasqan. Sondyqtan oqýshylar sany 300-ge deıingi mektepter oqýdy shtattyq rejımde jalǵastyrady. Synyptaǵy oqýshylar sany 25 adamnan aspaýy tıis. Qalǵan oqýshylar oqytýdyń aralas formatyna kóshedi.
