Óńirler QR BǴM usynysyna saı oqý jylyna daıyndyq jumysyn júrgizip jatyr
Esterińizge sala keteıik, osyǵan deıin Memleket basshysy Qasym-Jomart Toqaev oqýshylar men stýdentterdi dástúrli formatta oqytýǵa daıyndyqty qamtamasyz etýdi tapsyrǵan bolatyn.
Osyǵan baılanysty, jergilikti atqarýshy organdardyń bilim basqarmalary oqý oryndarynda sanıtarlyq normalardyń saqtalýyna erekshe nazar aýdaryp, baqylaýy qajet. Barlyq mektepterde qyzmetkerler men bilim alýshylardyń temperatýrasyn ólsheý, qaýipsizdik sharalaryn saqtaı otyryp, kabınetterdiń aýasyn zararsyzdandyrý (kvartstaý) jáne dezınfektsııalaý sharalaryn júrgizý kerek. Bilim berý uıymdary dezınfektsııalaý quraldarymen qamtamasyz etilýi tıis.
Jalǵasyp jatqan shekteý sharalary kezinde oqý oryndarynyń syıymdylyq qýaty men bilim alýshylardyń sanyna qaraı aýysym men jumys rejımin aldyn ala anyqtap, áleýmettik qashyqtyqty saqtaı otyryp, oqý protsesin uıymdastyrý mańyzdy.
Ákimdikterdiń bilim basqarmalary men mektep ákimshilikteri balalardyń dálizder men býfetterde jınalýyn boldyrmaý úshin úzilisterdi ártúrli ýaqytta ótkizýdi uıymdastyrýy qajet. Sondaı-aq bilim alýshylar men qyzmetkerler arasynda maska taǵý rejımin saqtaýdy qamtamasyz etý kerek. Bir synyp bir kabınette oqýy tıis.
«Árbir ákimdiktiń bilim basqarmasy men bilim berý uıymdarynyń pandemııa kezinde sanıtarlyq talaptardy saqtaı otyryp, kezekshi synyptar men mektepterdiń jumysyn uıymdastyrýda tájirıbesi bar. Degenmen, kúndizgi oqý protsesin uıymdastyrý máselesine úlken jaýapkershilikpen qaraý kerek. Bastysy – balalardyń densaýlyǵy. Sondyqtan ár synyp basqa kabınetke aýyspaı, óz kabınetinde oqıdy. Oqýshylar da muǵalimder sııaqty betperde kıedi. Úzilister ártúrli ýaqytta bolady, qajet bolǵan jaǵdaıda qosymsha aýysymdar engiziledi. Kireberiste temperatýrany ólsheıtin jáne dezınfektsııalyq quraldardyń bolýy mindetti. Sondaı-aq oqýshylardyń bilim olqylyqtaryn toltyrý boıynsha pedagogterdiń kólemdi jumys júrgizýi mańyzdy», – dedi QR BǴM Mektepke deıingi jáne orta bilim komıteti tóraǵasynyń orynbasary Jomart Qarambaev.
Sonymen qatar, sabaq kestesi sanıtarlyq talaptardy eskere otyryp jasalýy kerek. Bilim berý uıymdary buqaralyq, mádenı jáne sporttyq is-sharalardy ótkizýdi shekteýi qajet. Dástúrli oqytý formatynda mektep formasy burynǵydaı saqtalady.
Sanıtarlyq qyzmettiń talaby boıynsha aldaǵy oqý jylynda mektepterdi ashý sharttarynyń biri – muǵalimder men qyzmetkerlerdi vaktsınatsııalaý.
Bilim berý uıymdaryn dástúrli formatqa qaıtarý eldegi sanıtarlyq-epıdemıologııalyq jaǵdaıǵa baılanysty bolatynyn aıta keteıik. Oqytý formaty týraly sheshimdi koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııa, eldiń bas memlekettik sanıtarııalyq dárigeri jáne óńirlerdiń bas sanıtarlyq dárigerleri qabyldaıdy.
«Ótken jyly oqytý formaty epıdemıologııalyq jaǵdaıǵa baılanysty ózgerip otyrǵany esterińizde bolar. Keıbir oqýshylar qashyqtan bilim aldy, bir bóligi aralas formatta oqydy. Epıdemıologııalyq jaǵdaı jeńildep, dástúrli oqýǵa múmkindik bolǵan kezde keıbir oqýshylar kezekshi synyptarǵa bardy. ıAǵnı, elde jappaı qashyqtan oqytý bolǵan joq. Іs júzinde orta eseppen 4000-ǵa jýyq shaǵyn aýyldardaǵy mektepter jyl boıy dástúrli formatta oqytyldy. Dástúrli formatta oqıtyndardyń jalpy sany kezekshi synyptardy qosa alǵanda birinshi toqsanda 1 mln bala bolsa, tórtinshi toqsanda 2 mln balaǵa deıin jetti», – dedi Jomart Qarambaev.
1 qyrkúıekte 3,5 mln-nan astam bala úshin 7 475 mektep ashý josparlanǵan. Qazir mektepterde jóndeý jumystary júrgizilip jatyr. Olardyń barysyn ákimdikterdiń bilim basqarmalary baqylaıdy. Barlyq bilim berý uıymdarynda jóndeý jumystary aıaqtalady, sonyń ishinde 263 mektep kúrdeli jóndeýden ótedi.
