OneWeb spýtnıkteri Baıqońyr aılaǵynan ǵaryshqa ushyryldy
«Soıýz 2.1b» zymyrantasyǵyshy belgilengen ýaqytta, ıaǵnı 7 aqpan kúni saǵat 03:42-de Baıqońyr ǵarysh aılaǵynyń №31 alańynan ushyryldy.
Roskosmos bul oqıǵany tikeleı efırden kórsetti.
Startqa 40 mınýt qalǵanda «Roskosmos-TV» kórermen nazaryna Baıqońyr aılaǵyndaǵy daıyndyq jumysy týraly vıdeosıýjetterdi, Roskosmos pen OneWeb kompanııasynyń yntymaqtastyǵy týraly mamandarmen suhbatty, «Soıýz 2.1b» zymyrantasyǵyshy ornatylǵan Baıqońyr alańynan tikeleı efırdi usyndy.
Nysan shtattyq rejımde ushyryldy. Tikeleı efır reportajyn júrgizýshilerdiń sózine sensek, zymyrantasyǵyshtyń aldyńǵy eki basqyshy belgilengen ýaqytta bólinip shyqqan, al «Fregat» údemeli blogynyń bóligi spýtnıktermen birge starttan keıin arada 10 mınýt ótkende ajyrady.
Ushyrylymnyń tsıklogrammasyna sáıkes odan keıingi 3,5 saǵatta ǵarysh apparattary «Fregat-M» údemeli blogynan bólinedi, sóıtip orbıtadaǵy óz núktelerine jaıǵasady.
OneWeb tómenorbıtaldy ǵarysh apparattary jer betindegi tutynýshylardy tikeleı spýtnık baılanysy arqyly jyldamdyǵy joǵary ınternetpen qamtamasyz etýge arnalǵan. Kompanııa jalpy sany 500-den astam spýtnıkti Jer aınalasyndaǵy orbıtaǵa shyǵaryp, 2020 jyldan bastap olardy kommertsııalyq maqsatta paıdalanýdy kózdep otyr. OneWeb 2021 jyldan bastap Jerdi 24-saǵattyq baılanyspen qamtymaq.
Eske sala keteıik, keshe «Soıýz MS-13» ǵarysh kemesiniń ekıpajy belgilengen ýaqytta Jezqazǵan qalasynyń mańyna qonǵan bolatyn.
