OneWeb spýtnıgi 2020 jyldyń basynda Baıqońyrdan ushyrylady
Baıqońyrda «Fregat M» údemeli bloktary bar konteınerler áýe reısimen jetkizildi. Ondaǵy «Soıýz-2» zymyran-tasyǵyshyn OneWeb brıtanııalyq spýtnıktik júıesiniń ǵarysh qurylǵysymen orbıtaǵa shyǵarý josparlanyp otyr, dep habarlaıdy Roskosmos baspasóz qyzmetinen.
«Roskosmos» memlekettik korporatsııasy 2015 jyldyń maýsymynda Arianespace jáne OneWeb kompanııalarymen kelisimge qol qoıdy. Onyń nátıjesinde «Fregat» tobyndaǵy údemeli bloktary bar «Soıýz-2» zymyran-tasyǵyshtary Baıqońyr ǵarysh aılaǵynan, Vostochnyı jáne Gvıan ǵarysh ortalyqtarynan OneWeb ǵarysh júıesiniń 573 baılanys spýtnıgin 21 ret ushyrady.
Jerdi tolyq qamtıtyn OneWeb kommýnıkatsııalyq spýtnıkteriniń orbıtalyq toby álemdegi barsha qoldanýshylarǵa Internet jelilerin qoljetimdi etýge múmkindik beredi dep josparlanyp otyr.
QR Tsıfrlyq damý, ınnovatsııa jáne aeroǵarysh ónerkásibi mınıstrligi Aeroǵarysh komıteti baspasóz qyzmetiniń málimetinshe, ushyrylym kestesine sáıkes, OneWeb spýtnıkterin Baıqońyr ǵarysh aılaǵynan alǵash ret ushyrý 2020 jyly qańtar aıynyń sońyna josparlanǵan.
