Ónerkásipti qoldaýǵa bólinetin qarajat bir qorǵa biriktiriledi
Indýstrııa jáne ınfraqurylymdyq damý mınıstrligine qarasty ónerkásip saıasaty departamentiniń dırektory Laýra Sadykova keleshekte ónerkásiptik saıasat qalaı ózgeretin týraly tolyqqandy málimet berdi.
Onyń aıtýynsha, «Ónerkásiptik saıasat týraly» týraly Zań aıasynda jańa eki qurylym paıda bolmaq. Onyń biri – Ónerkásipti damytý qory.
«Ónerkásipti damytý qory ónerkásiptik-ınnovatsııalyq qyzmetti memlekettik yntalandyrý sharalaryn usyný boıynsha operator bolady. Qordyq qarajaty memlekettik bıýdjet sebeinen de, óndirýshiler men ımporttaýshylardyń keńeıtilgen mindettemelerinen de, memlekettik emes jáne menshikti qarajat esebinen de qalyptasady», - dedi Laýra Sadyqova ortalyq kommýnıkatsııalar qyzmetinde ótken brıfıngide.
Atalmyń zańnyń qazirgi jobasy Ónerkásip aqparattyq júıe qurýdy da kózdeıdi. Mınıstrlik ókili onyń da ne úshin qajet ekenin túsindirdi.
«Ónerkásip salalarynyń jaı-kúıin, olardyń damý boljamy men memlekettik yntalandyrý sharalary týraly aqparatty osy júıe bir arnaǵa túsiredi. Otandyq taýar óndirýshilerdi óndirilgen ónimniń jańa, neǵurlym kúrdeli bóliniske aýysýǵa yntalandyrý úshin orta jáne joǵarǵy basymdyqqa ıe taýarlardyń tizbesi jasaldy. Búginde ol tizim 4 myńnan astam taýardan turady. Barlyq operatorlar óndiristik kásiporyndardy memlekettik yntalandyrý kezinde osy tizimdi basshylyqqa alýy kerek», - dedi Laýra Sadyqova.