Óndiris qaýipsizdigin saqtamaǵan 4 kásiporynnyń jumysy toqtatyldy

NUR-SULTAN. QazAqparat – QR Tótenshe jaǵdaılar mınıstrligi Ónerkásiptik qaýipsizdik komıtetiniń tóraǵasy Nyǵmetjan Maqajanov 2021 jyly uıymdarǵa júrgizilgen tekserýler týraly málimet berdi, dep habarlaıdy QazAqparat tilshisi.

«Esepti kezeńde erekshe tártip boıynsha 630 josparly tekserý jáne jospardan tys 371 tekserý júrgizildi. Sonyń aıasynda 18 640 obekt qamtyldy. Tekserý qorytyndysy boıynsha 17 588 zańǵa qaıshy olqylyq anyqtaldy. Onyń ishinde josparly tekserý qorytyndysy boıynsha – 16 535, jospardan tys tekserý boıynsha – 1 053 olqylyq tabyldy», - dedi Nyǵmetjan Maqajanov OKQ brıfınginde.

Onyń aıtýnysha, kemshilik anyqtalǵan kásiporyndarda tekserý qorytyndysy boıynsha jedel den qoıý sharalaryn qabyldanyp, ákimshilik quqyq buzýshylyq týraly ister qozǵalǵan.

«Tekserý nátıjeleri boıynsha 100 mln teńgeden astam somanyń 747 ákimshilik aıyppuly salyndy. Ónerkásiptik qaýipsizdik talaptaryn óreskel buzý arqyly adamdardyń ómiri men densaýlyǵyna qaýip tóndirgen 280 obekt anyqtalyp, onyń tórteýi jumysyn toqtatty. Esepti kezeńde qaýipti óndiristik obektilerde 14 avarııa jáne 187 ıntsıdent tirkeldi. Qadaǵalaýdyń salalary men túrleri boıynsha avarııalardyń basym bóligi kómir, metallýrgııa, munaı-gaz, gaz sharýashylyǵy obektilerinde jáne kótergish qurylystardy paıdalanatyn obektilerde boldy. Apat saldarynan barlyǵy 6 adam zardap shegip, onyń 1 adam qaıtys boldy», - dedi komıtet tóraǵasy.