Óńdeý ónerkásibi sýbektilerine eksporttyq kredıt beriledi

NUR-SULTAN. QazAqparat - Óńdeý ónerkásibi sýbektilerine eksporttyq kredıt beriledi. Bul týraly búgin Úkimet otyrysynda elimizdiń ekonomıkasyn qalpyna keltirý jónindegi keshendi jospardy tanystyrǵan QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Óńdeýshi ónerkásipti qoldaý sharalary úshin qarjylandyrý tetikteri aıtarlyqtaı keńeıtilýde. Sonymen qatar, óńdeý ónerkásibi sýbektileri mólsherine qaramastan Ulttyq bank baǵdarlamasy boıynsha aınalym qarajatyn jeńildikpen qarjylandyrý josparlanýda. Uzaqmerzimdi sharttardy ulttyq damý ınstıtýttary «turaqty kepil» retinde qabyldaıtyn bolady», - dedi mınıstr.

Onyń atap ótýinshe, óńdeý ónerkásibi sýbektileri «Bıznestiń jol kartasy-2025» baǵdarlamasy boıynsha jeńildetilgen nesıe alady.

«Sonymen qatar eksporttyq kredıt beriledi. Birneshe banktiń bir qaryz alýshyny birlesip kredıtteýi úshin banktik sındıkattalǵan kredıt berý josparlanýda», - dedi Rýslan Dálenov.