Fánıden ótken 5 donor 19 qazaqstandyqtyń ómirin saqtap qaldy
ASTANA. KAZINFORM – 2024 jyldyń basynan beri Qazaqstanda 5 adam qaıtys bolǵannan keıin donor bolyp, 19 adamnyń ómirin saqtap qaldy. Bul týraly QR Densaýlyq saqtaý mınıstrligi málimdedi.
2024 jyldyń 9 aıynyń qorytyndysy boıynsha 6 782 qazaqstandyq qaıtys bolǵannan keıingi donorlyqqa kelisim bergen.
Ár túrli aımaqtarda 5 adam donor bolyp úlgerdi:
Aqmola oblysy – 2 adam
Pavlodar oblysy – 1 adam
Túrkistan oblysy – 1 adam
Almaty – 1 adam
Densaýlyq saqtaý mınıstrligi 4103 adam, onyń ishinde 85-i balalar organ transplantatsııasyn qajet etip, kezekte turǵanyn atap ótti.
Buǵan deıin «Qazaqstan halqyna» qorynyń tóraǵasy Bolat Jámishev Qazaqstanda máıit donorlyǵy máselesi aıanyshty halde ekenin málimdegen bolatyn.
Aıta keteıik, 4 myńnan astam qazaqstandyq donorlyq organ transplantatsııasyna kezekte tur. Statıstıkaǵa sáıkes, olardyń kópshiligi kezegine jetip úlgermseıdi. 200-ge jýyǵy jyl sońyna deıin ómir súre almaıdy. Qaıtys bolǵan donordyń transplantatsııasy basqa adamdardyń ómirin saqtap qalýy múmkin, biraq Qazaqstanda qaıtys bolǵan donorlardyń aǵzalaryn transplantatsııalaýǵa kózqaras ekiushty. Kóbinese týystary alyp tastaýǵa kelisim bermeıdi. Pavlodar oblysyndaǵy transplantologııa jónindegi úılestirýshi Dmıtrıı Poterebýh «QazAqparat» agenttiginiń tilshisine Qazaqstanda qaıtys bolǵannan keıingi donorlyq týraly aıtty.
