Ómirzaq Shókeev: Eksport naryǵyndaǵy báseke kúrdelenip barady
«Sońǵy ýaqytta naryqtaǵy jaǵdaı edáýir ózgerip ketti. Báseke qyza tústi. Sharýashylyqtar buryn óndirgen ónimin ótkize alar emes. Osy turǵydan biz «ónimdi kóbeıtińder» dep qysa túsemiz de, al ótkizý, suranys, sapa, eksporttyq naryqqa shyǵý tetigi borttan tys qalyp qaldy», - deıdi mınıstr.
Shókeevtiń aıtýynsha, bizdiń elimizdiń aınalasynda da jaǵdaı túbegeıli ózgeriske ushyrap bara jatyr. Reseıde qazir túsim jaqsy. Ondaǵy naryqtaǵy baǵa aıtarlyqtaı túsip ketken.
«Bul álbette qazaqstandyq bıdaıdyń baǵasyna da áser etti. Sondyqtan, ótken jyldyń jeltoqsanynda bizdiń aralasýymyzǵa týra keldi. Álemdik baǵa bul rette qarqyndy bolmasa da ósip jatqanymen, paradoks jaǵdaı - Qazaqstandaǵy dıqandar bıdaıdy 35-37 myń teńgege (tonnasyn - avt.) sata almaı qalǵan edi. Osy sebepti, bizge bıdaıdy shuǵyl satyp alatynymyz týraly jarııalaýǵa, baǵany 42 myń teńgege belgileýge týra keldi. Osynyń nátıjesinde shýdy toqtatyp, naryqtaǵy jaǵdaıdy qalpyna keltirip, bıdaıdyń belgili bóligin satyp aldyq», - deıdi ol.
Mınıstr atap ótkendeı, búgingi tańda bıdaıdyń baǵasy ósip keledi.
«Qazir tipti tonnasyn 47 myń teńgege satý týraly kelisimsharttar bar. Demek, biz bir jaǵynan sharýalarǵa kómek qolyn sozdyq, ekinshi jaǵynan korporatsııa utty. Sondyqtan, biz ónimderimizdi ótkizý máselesine erekshe nazar aýdara bastadyq. Otyzǵa jýyq ónimimizge taldaý jasadyq. Qazirgi ishki naryqtaǵy jaǵdaı qandaı? Osy ónimderdi damytýǵa bola ma? Ónimniń 30 túri boıynsha naryq qanaǵattanarlyq jaǵdaıda. Іshki naryqta bizde tek sanaýly ónimderdiń túrlerine oryn bar: olar alma, shujyq ónimderi, irimshik, qant. Sondyqtan, bizdiń ónimderimizdiń eksporty úshin kúresýimiz kerektigi aıqyn. Eksport naryǵynda kúresý tipti kúrdeli bolyp barady», - deıdi Ómirzaq Shókeev.
