Ómirlik qıyn jaǵdaıǵa túsken balalardy qoldaý ortalyǵynan shyǵarý erejesi bekitilmek

ASTANA. QazAqparat – Ómirlik qıyn jaǵdaıǵa túsken balalardy qoldaý ortalyqtarynan shyǵarý tártibi ózgerýi múmkin. Bul týraly «Ashyq» NQA portalynda jarııalanǵan Bilim salasynda sapany qamtamasyz etý komıteti tóraǵasynyń buıryǵynda jazylǵan, dep habarlaıdy QazAqparat tilshisi.

Ózgeriske sáıkes, endi jasóspirimder ómirlik qıyn jaǵdaıǵa túsken balalardy qoldaý ortalyǵynan myna tártip boıynsha shyǵarylady:

- ómirlik qıyn jaǵdaıda júrgen balalardy qoldaý ortalyǵynan shyǵarý kezinde kámeletke tolmaǵandar turǵylyqty jerine qatań túrde ata-analarynyń nemese basqa da zańdy ókilderiniń erip júrýimen jiberiledi;

- qabyldaý-berý aktisi boıynsha ortalyqtan shyǵarylǵandardy ómirlik qıyn jaǵdaıda júrgen balalardy qoldaý ortalyǵy qyzmetkerleri alyp júredi, ornalasatyn jerine jetkizedi;

- arnaýly bilim berý uıymdaryna jiberiletin kámeletke tolmaǵandar ómirlik qıyn jaǵdaıda júrgen balalardy qoldaý ortalyǵynyń qyzmetkerleriniń ilesip júrýimen jetkiziledi;

- kámeletke tolmaǵan qyzdardy alyp júrýdi tek qana áıel jynysty qyzmetker júzege asyrady;

- kámeletke tolmaǵan balany ortalyqtan shyǵarǵan kezde onyń ata-anasyna nemese basqa da zańdy ókilderine densaýlyq jaǵdaıy týraly anyqtamalar, úlgerimi týraly tabel, psıhologııalyq-pedagogıkalyq minezdeme beriledi.

Aıta ketsek, qoldanystaǵy talapta mundaı ereje men tártip joq.

Eske sala keteıik, buǵan deıin balalardyń atalǵan ortalyqtarda bolý merzimi 6 aıdan 3 aıǵa deıin qysqaratynyn habarlap edik.

Buıryqty ashyq talqylaý 1 naýryzǵa deıin jalǵasady.