«Omıkrondy» JRVI-dan qalaı ajyratýǵa bolady

ALMATY. QazAqparat- Koronavırýstyń «omıkron» shtamyn JRVI-dan PTR testisiz ajyratý múmkin emes. Bul týraly brıfıng barysynda Almaty qalasynyń bas memlekettik sanıtarlyq dárigeri Qarlyǵash Ábdijabbarova aıtty, dep habarlaıdy QazAqparat tilshisi.

«Koronavırýstyń «omıkron» shtamy men JRVI-diń belgileri óte uqsas. Syrqat ár adamda árqalaı ótedi. Sondyqtan ázirge ony koronavırýs nemese JRVI ekenin PTR-siz ajyratý múmkin emes», - dedi Qarlyǵash Ábdijabbarova.

Aıta keteıik, Almatyda «omıkron» juqtyrǵandar sany táýligine 2,5 myńǵa deıin ósti.

Buǵan deıin Qarlyǵash Ábdijabbarova koronavırýstyń besinshi tolqyny naýryzda sharyqtaý shegine jetýi múmkin ekenin aıtqan bolatyn.