OMAROV SEIІTJAN

Omarov Seıitjan (1907-1985) - jazýshy, aqyn, aýdarmashy. Aqmola oblysy Atbasar aýdany Keregetas aýylynda dúnıege kelgen.

Ákesinen jeti jasynda jetim qalǵan Seıitjan aýyldyq bastaýysh mektebinde oqyp, Atbasar qalasyndaǵy jetijyldyq orys-tatar mektebin bilim alyp, bastaýysh mektep muǵalimderi kýrsyn, Qostanaı halyq aǵartý ınstıtýtyn bitirgen. Eńbek jolyn orta mekteptiń muǵalimi bolyp bastap, jergilikti keńes organdarynda ártúrli qyzmetterge aralasyp, komsomol uıymynyń hatshysy bolǵan. 1932 jyly Qostanaı halyq aǵartý ınstıtýtynyń 2 kýrsyna qabyldanyp, bir jyldan keıin jýrnalıstkalyq qyzmetter atqara bastaǵan. Coltústik Qazaqstan oblysynyń «Lenın týy» gazetiniń jaýapty hatshysy, Atbasar, Alekseevka, Sovetskıı aýdandyq gazetteriniń redaktorynyń orynbasary jaýapty hatshy, bólim meńgerýshisi bolǵan. 1934-1935 jyldary oblystyq, respýblıkalyq baspacóz betterinde aqynnyń jyrlary jıi basyla bastaǵan. «Traktorshy», «Kolhoz shattyǵy», «Nan » atty óleńderinde jańadan qurylǵan qazaq aýyldarynyń ómir-tirshiligi, sharýa ujymdarynyń qajyrly eńbekteri týraly jyrlaǵan. 1937 jyly Qazaq KSR Jazýshylar Odaǵy apparatyna jumysqa aýysady. 1937-1942 jyldary - «Ádebıet jáne óner» (qazirgi «Juldyz») jýrnalynyń jaýapty hatshysy, Qazaq memlekettik kórkem ádebıet jýrnaly (qazirgi «Jazýshy») redaktsııasynyń hatshysy boldy. 1942-1946 jyldary Keńes Armııasy qatarynda bolyp, Uly Otan soǵysyna qatysqan. Soǵys jyldarynda «Vpered, na vraga» maıdan gazeti redaktsııasynyń qyzmetkeri, rota komandıriniń saıası jumys jónindegi orynbasary bolǵan. 1946-1960 jyldary - «Jazýshy» baspasynyń bas redaktory qyzmetterin atqarǵan. On jyl boıy Qazaq KSR Jazýshylar Odaǵy basqarmasynyń hatshysy bolǵan. 1966-1985 jyldary Qazaqstan Jazýshylar odaǵy basqarmasy balalar men jasóspirimder ádebıeti keńesiniń tóraǵasy qyzmetin atqarǵan. Alǵashqy áńgimeler jınaǵy «Baqyt» 1938 jyly jaryq kórdi. Otyzdan astam kitaby shyqqan. Negizgi shyǵarmalary balalar men jasóspirimderge arnalǵan. Seıitjan Omarov týyndylarynyń jas jetkinshekterdi otanshyldyqqa, qaharmandyqqa, shynaıy dostyq pen myzǵymas yntymaqqa, rýhanı tazalyq pen bıik parasatqa tárbıeleýde mańyzy zor. Jazýshynyń «Zaman kúshi», «Áńgimeler», «Balzııa», «Qaıyrly jaz», «Altyn alqap», «Kúnshýaq», «Dala qyzy», «Baq juldyzy», «Qıyr jol», «Qasıetti bulaq», taǵy basqa povester men áńgimeler jınaqtary, «Qyzyl araı» romany jaryq kórgen.

Aýdarma salasynda Lev Tolstoıdyń, Sergeı Barýzdınniń balalarǵa arnalǵan áńgimelerin, Anton Chehovtyń, Maksım Gorkııdiń shyǵarmalaryn, Valentın Kataevtyń «Jalǵyz jalaý jaltyldap», «Polk balasy» povesterin, nemis fılologtary aǵaıyndy Grımmderdiń ertegilerin, bashqurt jazýshysy Saıfı Qudashtyń povesterin, cheh jazýshysy Bojena Nemtsovanyń «Altyn kitap», «Kúmis kitap» ertegilerin qazaq tiline aýdarǵan. Óziniń kóptegen týyndylary da shet el tilderine aýdarylǵan.

Qyzyl Juldyz, Halyqtar dostyǵy, eki ret «Qurmet belgisi» ordenderimen, medaldarmen jáne Qazaq KSR Joǵarǵy Keńesiniń Qurmet gramotasymen marapattalǵan7

Derek kózi:

Qazaqstan ulttyq entsıklopedııasy, 7 tom.