Oljas Bektenov qurylys salasynyń qyzmetkerlerin marapattady
ASTANA. KAZINFORM - Qurylysshy kúni qarsańynda Premer-mınıstr Oljas Bektenov Memleket basshysy Qasym-Jomart Toqaevtyń atynan sala mamandary men ardagerlerin kásibı merekelerimen quttyqtap, memlekettik nagradalar tabys etti, dep habarlaıdy Úkimettiń baspasóz qyzmeti.
2025 jyly Jumysshy mamandyqtary jyly aıasynda Prezıdent tapsyrmasyna sáıkes, memlekettik nagradalar júıesine alǵash ret «Qazaqstannyń eńbek sińirgen qurylysshysy» qurmetti ataǵy engizildi.
«Memleket basshysy adamı kapıtaldy damytýǵa erekshe kóńil bólip otyr. Prezıdent jarııalaǵan Jumysshy mamandyqtary jyly eńbek adamynyń bedelin arttyrýdy kózdeıdi. Memleket basshysy adal ári tabandy eńbegimen tabysqa jetken adamdar qashanda qurmetti, syıly bolýy kerek ekenin atap kórsetti. Bul – sizderdiń eńbekterińizdi memlekettik deńgeıde baǵalaý men naqty qoldaýdyń shynaıy kórinisi. Úkimet tarapynan aldaǵy ýaqytta da otandyq qurylys salasynyń ınvestıtsııalyq tartymdylyǵyn arttyrýǵa, qajetti ınfraqurylymdy damytýǵa jáne bıznes úshin qolaıly jaǵdaılar jasaýǵa basymdyq beriledi. Biz jańa tehnologııalardy engizý jáne kásibı standarttardy jetildirýge jaǵdaı jasaýdy jalǵastyramyz», — dep atap ótti Oljas Bektenov.
Sóz barysynda Premer-mınıstr eldiń ekonomıkalyq ósýin qamtamasyz etýdegi qurylys sektorynyń mańyzdylyǵyn atap ótti. Búgingi tańda Qazaqstannyń JІÓ-degi salanyń úlesi 6%-ǵa jetedi. Ótken jyldyń qorytyndysy boıynsha 19 mln m2 astam, onyń ishinde 170 myńnan astam turǵyn úı nysandary paıdalanýǵa berildi. Osy jyldyń birinshi jartyjyldyǵynda – 120-dan astam mektep pen balabaqsha, 30 densaýlyq saqtaý nysany salyndy. Jalpy qurylys jumystarynyń kólemi 2025 jyldyń basynan beri 18%-ǵa ósti.
Prezıdent qoıǵan qurylys úderisterin jańǵyrtý jónindegi mindetterdi oryndaý sheńberinde tsıfrlyq sheshimderdi engizý, bıýrokratııalyq kedergilerdi joıý jáne salanyń kadrlyq áleýetin nyǵaıtý jónindegi ózekti tásilderdi kórsetetin jańa qurylys kodeksi ázirlendi.
Jıynda marapattalǵandardyń atynan qurylys salasynyń ardager Qaısar Omarov pen «SAPITAL GROUP ST» JShS ınjeneri Baýyrjan Mahan sóz sóıledi. Qurylys sektorynyń qyzmetkerleri Memleket basshysyna olardyń eńbegin joǵary baǵalap, jumysshy mamandyqtaryn damytýǵa kóńil bólgeni úshin alǵys bildirdi.
«Mereke qarsańynda Memleket basshysyna «Qazaqstannyń eńbek sińirgen qurylysshysy» ataǵy qaıtadan memlekettik nagradaǵa aınalǵany úshin zor alǵysymdy bildirgim keledi. Bul bizge, qurylysshylarǵa degen erekshe qurmet», — dep atap ótti «Qazaqstannyń eńbek sińirgen qurylysshysy» qurmetti ataǵymen marapattalǵan Qaısar Omarov.
«Búgingi marapat – uzaq jylǵy eńbektiń nátıjesi jáne qurylys salasynyń barlyq ókilderi úshin zor qurmet. Biz Memleket basshysynyń qurylys salasyna kórsetken qoldaýyna rızashylyǵymyzdy bildirip, shyn júrekten alǵys aıtamyz. Elimizge beıbitshilik pen tynyshtyq tileımin. Qurylysshy kúni qutty bolsyn»,— dep tolyqtyrdy «SAPITAL GROUP ST» JShS ınjeneri Baýyrjan Mahan.
Qurylys salasyn damytýǵa qosqan úlesi úshin Oljas Bektenov úzdik qyzmetkerlerge Prezıdent atynan marapattar tabys etti.
Marapattalǵandar:
«Parasat» ordenimen
Vladımır Lıýtov – «Qazqurylysjúıe» JShS bas dırektorynyń keńesshisi
Qasymqumar Ybyraımov – «Memsaraptama» RMK Jobalardy saraptaý basqarmasy óndiristik bóliminiń kólik sektorynyń sarapshysy, Astana qalasy
Muratbek Ryspaev – «Qazqurylysjúıe» JShS bas dırektorynyń keńesshisi
«Qazaqstannyń eńbek sińirgen qurylysshysy» qurmetti ataǵymen
Qaısar Omarov – qurylys salasynyń ardageri, Astana qalasy
«Qurmet» ordenimen
Muratbek Baıtelıev – «Núri-L-Jetisaı» JShS dırektory, Túrkistan oblysy
Erqanat Dúısekenov – «Vıta» JShS quryltaıshysy, Pavlodar oblysy
Anar Masanova – «Memsaraptama» RMK sarapshysy, Astana qalasy
Áset Muqaev – «NS Júıe» JShS bas dırektory, Qaraǵandy oblysy
Serjan Námetsha – qurylys salasynyń ardageri, Qyzylorda oblysy
Serikpaı Rýstanbekov – «Memsaraptama» RMK sarapshysy, Mańǵystaý oblysy
Marat Ybraev – «Alýa Qurylys» JShS ýchaske bastyǵy, Aqmola oblysy
III dárejeli «Eńbek Dańqy» ordenimen
Murat Berikov – «Intellekt Azııa» JShS proraby, Jambyl oblysy
Baýyrjan Muhamedjanov – «ALKON+» fırmasy» JShS dırektorynyń orynbasary, Astana qalasy
Avez Tańsyqbaev – «Syrym Bleke» JShS avtokran mashınısi, Jambyl oblysy
«Eren eńbegi úshin» medalimen
Ermek Abaev – «ENKI» JShS ekskavator mashınısi, Aqmola oblysy
Lıýdmıla Golýbeva – «Sarapshylyq uıymdar palatasy» Ulttyq birlestiginiń sarapshysy, Astana qalasy
Nurken Jumaǵulov – «Otar Qurylys» JShS dırektory, Túrkistan oblysy
Baqytgúl Zákenova – «Qazaqstan Respýblıkasy Prezıdent Ákimshiligi men Úkimetiniń ákimshilik ǵımarattary dırektsııasy» RMK VІ razrıad sylaqshysy
Kóshken Kenjebaev – «ABK-Beton zaýyty» JShS jóndeýshi-slesary, Astana qalasy
Bátıma Qojahmetova – «Alýa Qurylys» JShS smetashy-ınjeneri, Kókshetaý qalasy
Baýyrjan Mahan – «SAPITAL GROUP ST» JShS ınjeneri, Mańǵystaý oblysy
Amanǵalı Omarov – «Qazbaev M.Ý.» JK proraby, Astana qalasy
Elena Sadchıkova – «Memsaraptama» RMK-nyń Batys óńiri boıynsha fılıaly – Atyraý oblysy boıynsha departamentiniń sarapshysy
Jasqar Sátmaǵambetov – «DSK GLB» JShS óndiris bastyǵy, Astana qalasy
Anatolıı Taıpov – «GSÝ «Qurylys» JShS ýchaske bastyǵy, Pavlodar oblysy
Osyǵan deıin resmı túrde Qazaqstanda alǵashqy AES qurylysy bastalǵany týraly jazdyq.