Oljas Bektenov «Qazaqstan – Eýroodaq» dıalogtik platformasy otyrysyn ótkizdi

ASTANA. KAZINFORM – Oljas Bektenov Eýropalyq Odaq Ókildiginiń Ýaqytsha senimdi ókili Iohannes Baýrmen birge EO-ǵa múshe memleketterdiń dıplomatııalyq mıssııalary basshylarynyń jáne birqatar jetekshi eýropalyq ónerkásip kompanııa basshylarynyń qatysýymen «Qazaqstan – Eýroodaq» dıalogtik platformasynyń 16-shy otyrysyn ótkizdi.

Олжас Бектенов «Қазақстан – Еуроодақ» диалогтік платформасы отырысын өткізді
Фото: ҚР Үкіметі

Eýropalyq Odaq Qazaqstannyń halyqaralyq arenadaǵy mańyzdy seriktesi bolyp sanalady. 2005–2024 jyldar aralyǵynda Odaq elderinen Qazaqstanǵa tikeleı ınvestıtsııalardyń jalpy aǵyny $200 mlrd-tan asty, bul elimizge kelgen tikeleı sheteldik ınvestıtsııalardyń jalpy kóleminiń 47,8%-yn qurady. 

«Búginde Eýropalyq Odaq – Qazaqstannyń iri saýda jáne ınvestıtsııalyq seriktesi. Bul elimizdiń syrtqy saýdasynyń úshten birinen astamyn jáne tartylǵan ınvestıtsııanyń jartysyn quraıdy. ótken jyly elderimiz arasyndaǵy ózara taýar aınalymy 17%-ǵa ósip, $50 mlrd-qa jetti. Biz Eýropaǵa jetkiziletin taýar nomenklatýrasyn odan ári keńeıtýge jáne ártaraptandyrýǵa múddelimiz», — dep atap ótti Oljas Bektenov.

Oljas Bektenov «Qazaqstan – Eýroodaq» dıalogtik platformasy otyrysyn ótkizdi
Foto: QR Úkimeti

Qazaqstan Prezıdenti Qasym-Jomart Toqaevtyń tapsyrmalaryn júzege asyrý sheńberinde saýda-ekonomıkalyq yntymaqtastyqty arttyrý maqsatynda jeke ınvestıtsııalar aǵyny úshin barynsha qolaıly iskerlik ahýal qalyptastyrý boıynsha júıeli jumystar júrgizilýde.

Jańa ınvestıtsııalyq tsıkldy bastaýǵa jáne elimizdiń JІÓ-ni eki esege arttyrý jónindegi strategııalyq mindetti qol jetkizýge baǵyttalǵan 2029 jylǵa deıingi jańartylǵan ınvestıtsııalyq saıasat tujyrymdamasy iske asyrylýda.

Úkimet normatıvtik rásimderdi bıýrokratııadan aryltý jáne ońtaılandyrý úshin memlekettik basqarýǵa tsıfrlyq sheshimder engizýde. Ulttyq tsıfrlyq ınvestıtsııalyq platformasy, sondaı-aq lıtsenzııalaý protsesteriniń ashyqtyǵyn qamtamasyz etetin minerals.gov.kz jáne e-qazyna.kz portaldary iske qosyldy. Shıkizat óńdeýdi jáne qosylǵan quny joǵary daıyn ónim shyǵarýdy basym túrde damytý úshin zańnamalyq baza jetildirilýde. Qabyldanǵan sharalar bızneske kedergilerdi joıýǵa, ekonomıkany yryqtandyrýǵa baǵyttalǵan.

Oljas Bektenov «Qazaqstan – Eýroodaq» dıalogtik platformasy otyrysyn ótkizdi
Foto: QR Úkimeti

«Qazaqstanmen birge biz tsıfrlandyrýdy qoldaý jáne geoderekterdi basqarý sııaqty naqty is-qımyldarǵa erekshe nazar aýdara otyryp, 2025–2026 jyldarǵa arnalǵan strategııalyq áriptestiktiń jol kartasyn ázirlep jatyrmyz», — dep atap ótti Iohannes Baýr.

Sóz alǵan Germanııa elshisi Monıka Iversen, Frantsııa elshisi Sılvan Gıoge, Polshanyń Ýaqytsha senimdi ókili Mıhal Rafal Labenda saýda, ǵylym jáne ónerkásip kooperatsııasy salalaryndaǵy ózara is-qımyldy nyǵaıtý týraly usynystar jasady.

Taý-ken ónerkásibi salasyndaǵy birqatar bastama týraly, áýe geofızıkasy jáne kartografııalyq geofızıka salasyndaǵy álemdik kóshbasshy, ıspandyq Xcalibur Multiphysics kompanııasynyń bas dırektory Andres Blanko; jabdyqtyń iri jetkizýshisi fındik Metso kompanııasynyń Ortalyq Azııa aımaǵy boıynsha vıtse-prezıdenti Kamıl Alıaýtdınov; taý-ken ónerkásibi, ınfraqurylym jáne tabıǵı resýrstardy óndirýge arnalǵan jabdyqtar men sheshimderdiń álemdik jetekshi óndirýshisi Epiroc shved kompanııasynyń Ortalyq Azııa boıynsha óńirlik bas menedjeri Kamshat Galıeva.

Oljas Bektenov «Qazaqstan – Eýroodaq» dıalogtik platformasy otyrysyn ótkizdi
Foto: QR Úkimeti

Kóterilgen máselelerge QR ónerkásip jáne qurylys, Ekologııa jáne tabıǵı resýrstar, Ǵylym jáne joǵary bilim mınıstrlikteriniń basshylyǵy túsinikteme berdi.

Sonymen qatar Premer-mınıstr Oljas Bektenov dıplomatııalyq mıssııalar basshylaryna qazaqstandyq kásipkerler aldynda turǵan otandyq bıznestiń iskerlik belsendiligine tikeleı áser etetin túıtkildi máselelerdi jetkizdi. Atap aıtqanda, vızalyq rásimder taqyryby kóterildi.

«Jaqynda otandyq kásipkerlermen kezdesýimde, ásirese, Lıtva, Germanııa jáne Polsha sııaqty elderde shengen vızalaryn alýdaǵy qıyndyqtar týraly másele kóterildi. Qazaqstandyq júk tasymaldaýshylar vıza ortalyqtaryndaǵy bos oryndardyń shekteýli sanymen, uzaq kútý merzimderi – eki aıǵa deıin, sondaı-aq qysqamerzimdi vızalardy berý – úsh aıǵa deıin, bul olardyń qyzmetin aıtarlyqtaı qıyndatýda. Qosymsha kedergiler halyqaralyq tasymaldaýǵa ruqsat qujattarynyń túpnusqalaryn talap etedi. Bul shekteýler qazaqstandyq kompanııalar úshin qosymsha kedergiler týyndatady jáne EO-men ekijaqty ekonomıkalyq qarym-qatynastardyń damýyna áser etedi», — dep atap ótken Oljas Bektenov qazaqstandyq bıznesmender men júk tasymaldaýshylar úshin rásimderdi jeńildetý boıynsha syndarly dıalogqa senim bildirdi.

Otyrys qorytyndysy boıynsha taraptar ózara tıimdi áriptestikti odan ári damytýǵa, ekonomıkalyq baılanystardy nyǵaıtýǵa jáne bolashaǵy zor jańa bastamalar boıynsha birlese jumys isteýge daıyn ekenderin rastady.

Сейчас читают