Olx.kz-tan ıt-mysyq satyp alǵan astanalyqtar 540 myń teńgege aldandy

ASTANA. QazAqparat – Astanada alaıaq áıel is júzinde joq asyl tuqymdy ıt, mysyqty «Olx.kz» arqyly satyp kelgen. №2 Esil aýdandyq soty úkim shyǵardy, dep habarlaıdy QazAqparat qalalyq sottyń resmı saıtyna silteme jasap.

Alaıaq áıel «Olx.kz» saıtyna asyl tuqymdy kúshikter men marǵaýlar naryqtaǵy baǵadan arzanǵa satylatyny týraly jalǵan habarlandyrý jarııalaǵan. Solaı 11 adamnan túrli kólemde aqsha aldap alǵan. Aqshanyń jıyntyq somasy 540 myń teńgege jýyq.

«Sotta azamat M.-niń kinási zardap shekkenderden alynǵan jaýappen, «Bereke Bank» jáne «Kaspi Bank» úzindi kóshirmeleri arqyly, «OElIKS» JShS men «Kaspıı bank» joldaǵan jaýaptar negizinde, telefon qońyraýlary men hat almasý skrınshottary arqyly, ózge de qujattardyń kómegimen dáleldendi. Aıyptalýshynyń ózi de kinásin moıyndady», - dep jazylǵan ersmı saıtta.

Sot kúdiktiniń kinásin moıyndap, qatty ókinetinin eskergen.

«Sot úkimimen azamat M. alaıaqtyq áreket úshin aıypty dep tanylyp, 4 jylǵa bas bostandyǵynan aıyryldy.

Sot onyń buǵan deıin Qaraǵandy oblysyndaǵy Temirtaý qalalyq sotynyń úkimimen jazaǵa tartylǵanyn eskerip, 4 jyl 8 aı merzimge bas bostandyǵynan aıyrý týraly jaza taǵaıyndady.

Sottalýshyǵa múlkin tárkileý jazasy qoldanylǵan joq. Sotqa deıingi tergep-tekserý kezinde odan qylmystyq jolmen tapqan múlik tabylmady. Japa shegýshilerdiń azamattyq shaǵymy tolyǵymen qanaǵattandyryldy. Sot úkimi kúshine engen joq», - dep jazylǵan Astana qalalyq sotynyń resmı saıtynda.