Olımpıadaǵa qatysatyn qazaqstandyq mergender Belarýs ashyq chempıonatynda jeńimpaz atandy

ASTANA. KAZINFORM – Bıylǵy olımpıadaǵa qatysatyn qazaqstandyqtar Nıkıta Chırıýkın men Irına ıÝnýsmetova oq atýdan Belarýs ashyq chempıonatynda jeńimpaz atandy.

Sportty damytý dırektsııasynan málim etkenindeı, qazaqstandyq mergender tapanshamen 10 metrge oq atýdan aralas jup básekesinde úzdik shyqty.

Olımpıadalyq sport túrlerinen ǵana ótip jatqan atalmysh jarysta úsh elden 180 sportshy baq synaýda. Týrnır 29 maýsymǵa deıin sozylady.

Bul doda Parıj olımpıadasy qarsańynda sportshylardyń sheberligin ushtaı túsýge septespek.

Eske sala keteıik, budan buryn sport mınıstriniń Parıj olımpıadasyna 80-85 joldamamen barsaq dep otyrǵanyn jazǵan bolatynbyz.