Olımpıadada fýtboldan shırek fınalǵa shyqqan quramalar anyqtaldy

ASTANA. KAZINFORM - Parıj Olımpıadasynda fýtboldan erler arasyndaǵy jarystyń ekinshi týry aıaqtalyp, shırek fınalǵa shyqqan birqatar komandalar anyqtaldy. 

Alǵashqy eki týrda súrinbegen Frantsııa, Ispanııa, Japonııa quramasy shırek fınalǵa joldama alyp úlgerdi. Qalǵan joldama ıegerleri sheshýshi týrda anyqtalady.

S tobynda synǵa túsip jatqan Ózbekstan jarysty jalǵastyrýdan shet qalyp qoıdy. Ózbekstandyq fýtbolshylar aldymen Ispanııadan 1:2 esebimen jeńilse, odan keıin Egıpetke 0:1 esebimen ese jiberdi. Endi olar 30 shildede Domınıkan Respýblıkasymen kezdesedi. Bul oıynda jeńiske jetkenimen shırek fınalǵa shyǵa almaıdy.

Toptyq kezeń oıyndary 30 shildede máresine jetedi.

Odan keıin 2 tamyzda shırek fınal ótkizilse, jartylaı fınal 5 shildege belgilengen.

Al 3-oryn úshin quramalar 8 tamyzda synǵa tússe, fınal 9 tamyzda bolady.

Atalǵan týrnırde 23 jasqa deıingi fýtbolshylardan quralǵan quramalar baq synaıdy. Sondaı-aq ol jastan asqan úsh oıynshynyń jarysqa qatysýyna bolady.