Olımpıada: Short-trekshi Abzal Ájiǵalıev fınalǵa ótti

NUR-SULTAN. QazAqparat - Búgin Beıjiń Olımpıadasynda short-trekten 500 metrlik qashyqtyqta Abzal Ájiǵalıev fınalǵa shyqty, dep habarlaıdy QazAqparat tilshisi.

Jartylaı fınalda Ájǵalıev óz tobynda jarysty ekinshi orynmen aıaqtady. Bul nátıje oǵan A fınalyna ótýge múmkindik berdi.

Taǵy bir qazaqstandyq short-trekshi Denıs Nıkısha óz tobynda tórtinshi oryn alyp, V fınalynda baq synaý múmkindigine ıe boldy.

Aıta keıik, short-trek – Qysqy olımpıada oıyndaryndaǵy eń tartysty dodalardyń biri. Beıjiń Olımpıadasynda atalǵan sport túrinen jalpy toǵyz medal jıyntyǵy taratylady.

Erler arasynda: 500 m

1000 m

1500 m

Estafetalyq jarys 5000 m

Áıelder arasynda:

500 m

1000 m

1500 m

Estafetalyq jarys

5000 m

Aralas estafeta

2000 m

Estafetaǵa elden tórt sportshy qatysyp, dıstantsııa boıynsha aýysym jasaıdy. Beıjińde Olımpıada oıyndarynda debıýt jasaıtyn aralas estafetada ár komanda eki er jáne eki áıelden óner kórsetedi.