Olımpıada kúni dúnıege kelgen sábılerge erekshe syı jasaldy

ASTANA. QazAqparat – Halyqaralyq Olımpıada kúni N3 kópsalaly qalalyq aýrýhanasynda dúnıege kelgen náresteler sımvoldyq syılyqtarǵa – sertıfıkattar, quttyqtaý hattary jáne «Olympian is born» (Olımpıada kúni dúnıege keldi) degen jazýy bar kostıýmge ıe boldy, dep habarlaıdy QazAqparat.

«Balalarǵa úlken jeńister tileımiz! Ómir boıy sáttilik serik bolsyn! Jyldar óter, balalar eseıip, elge syıly azamat bolyp ósken ýaqytta osy hatty fotoalbomdarynyń basynan kóre alatyny qandaı keremet. Sizderge jáne balalaryńyzǵa zor densaýlyq tileımin», - dedi aýrýhana dırektorynyń orynbasary Inessa Tsarenko.

Ulttyq Olımpıada komıteti bul aktsııany 2020 jyldan bastap ótkizip keledi.

«Bul – Ulttyq Olımpıada komıtetiniń eń súıikti sharalarynyń biri. Osy arqyly olımpıadalyq qozǵalystyń ıdeologııasy jetkizilip, úlken sport álemindegi basty qundylyqtar nasıhattalady. Urpaqtar sabaqtastyǵy, salaýatty ómir saltyn saqtap, jas daryndardy sport mádenıetine baýlý – ortaq mindetimiz. Chempıondardyń jańa ǵana ómirge kelgen sábılerge arnaǵan joldaýy osy ıdeıanyń júzege asyp jatqanynyń aıqyn kórinisi», - dedi Ulttyq Olımpıada komıtetinen.