Olımpıada-2018: Ekaterına Aıdova 1000 metrden júlde ala almady

PHENChHAN. QazAqparat - Búgin Phenchhanda ótip jatqan XXIII qysqy Olımpıada oıyndarynda konkı sportynan 1000 metr qashyqtyqta synǵa túsken Ekaterına Aıdova júldege ilige almady, dep habarlaıdy QazAqparat tilshisi.

Ol 1000 metrdi 1 mınýt 17,09 sekýndta júgirip ótip, jalpy esepte 24-shi orynǵa taban tiredi.

Esterińizge sala keteıik, búgin Phenchhanda qazaqstandyq sportshylar sporttyń 3 túrinen synǵa túsýi kerek bolatyn. Alaıda, qatty boran saldarynan taý shańǵy sporty men bıatlonnan synǵa túsetin sportshy qyzdarymyzdyń jarystary basqa kúnge aýystyryldy.

Sol úshin búgin Olımpıada oıyndarynda qazaqstandyq sportshylar arasynan tek Ekaterına Aıdova ǵana óner kórsetti.

Al atalǵan dodada bas júldeni gollandııalyq Iorın ter Mors (1:13.56)  qanjyǵasyna baılasa, úzdik ekinshi jáne úshinshi oryndardy japonııalyq konkıshiler Nao Kodaıra (1:13.82) men    Mıko Takagı (1:13.98) jeńip aldy.