Olga Rypakova Azııa Olımpıada keńesi Atqarýshy komıtetiniń quramyna endi

ASTANA. KAZINFORM – Qazaqstan Ulttyq Olımpıadalyq komıteti sportshylar komıssııasynyń tóraıymy Olga Rypakova Azııa Olımpıada keńesi Atqarýshy komıtetiniń quramyna endi.

QR Ulttyq olımpıadalyq komıteti málim etkendeı, olımpıada chempıonynyń kandıdatýrasy bul kúnderi Delıde (Úndistan) ótip jatqan Olımpıadalyq qozǵalys qurlyqtyq organynyń Bas Assambleıasy kezinde AOK Atqarýshy komıtetiniń qaraýyna usynylǵan bolatyn.

Assambleıaǵa qatysýshylar Olga Rypakovanyń kandıdatýrasyn biraýyzdan qoldady. Aıta ketelik, Rypakova AOK Atqarýshy komıtetinde Ortalyq Azııa aımaǵyndaǵy áıel ókil retinde jumys isteıdi.

Sondaı-aq, otyrys barysynda AOK prezıdenti saılanyp, Radja Randhır Sıngh (Úndistan) uıym basshysy retinde qaıta saılandy.

Esterińizge sala keteıik, Olga Rypakova 1984 jyly 30 qarashada Shyǵys Qazaqstan oblysynda dúnıege kelgen. Ol – uzyndyqqa sekirý, semıbore jáne úsh qarǵyp sekirýden mamandanǵan qazaqstandyq sportshy. Úsh qarǵyp sekirýden London Olımpıadasynyń chempıony (2012), úsh qarǵyp sekirýden Pekındegi Olımpıada oıyndarynyń (2008) jáne Rıo-de-Janeıro Jazǵy Olımpıada oıyndarynyń (2016) júldegeri.