Olga Rypakova júldesine arnalǵan halyqaralyq jarysqa 10 el qatysady

ASTANA. QazAqparat - Búgin, ıaǵnı 20 qańtar kúni Óskemende jeńil atletıkadan Olımpıada chempıony Olga Rypakova júldesine arnalǵan IV halyqaralyq týrnır ótedi, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.

Bul jarys bıylǵy jyly Azııa jeńil atletıka qaýymdastyǵynyń kúntizbesine engizilgen.

Jyl saıyn týrnırdiń geografııalyq aýqymy úlkeıip keledi. Byltyrǵy jyly Belarýs, Ázerbaıjan, Ózbekstan, Grýzııa, Qyrǵyzstan, Armenııa, Malaızııa, Qazaqstan sportshylary qatysqan.

Al bıyl Ýkraına, Malaızııa, Armenııa, Grýzııa, Ázerbaıjan, Tájikstan, Qyrǵyzstan, Ózbekstan, Belarýs jáne Qazaqstan atletteri qatysady. Jarys 20 qańtar kúni 10:00-de bastalady.