Oqjetpestegi kıiz úı terapııasynyń shıpagerlik qupııasy nede
Sanatorıı aýmaǵyna attaǵan sátten bastap aýrasy erekshe álemge tap bolǵanyńyzdy sezesiz. Tynyshtyqqa uıyǵan ortany aýyq-aýyq qustardyń saıraǵany ǵana buzady. Keshenniń aýmaǵynda dene shynyqtyrý qurylǵylary, balalardyń oıyn alańy ornalasqan. Taý aýasymen tynystaı júrip jasaǵan jattyǵý aǵzaǵa kúsh pen sergektik syılaý úshin bári arnaıy osylaı oılastyrylǵan.
«Sanatorıı tánmen birge jandy saýyqtyratyn tumsa tabıǵattyń bir buryshynan oryn tepken. Býrabaıdyń shyrshaly ormanyna suǵynyp jatqan keshen ejelden ókpeniń dertterinen daýa izdegenderdi emdeýge mamandanǵan. Munda adamdar kóbinese týberkýlezdi emdeýge joldanatyn. Emdeý hattamasynan tys shyrshanyń hosh ıisine shylanǵan saf aýa, shyrsha qaınatpasy men qymyz – búkil Qazaqstannyń maqtanyshyna aınalyp otyr», - deıdi «Oqjetpes» emdeý-saýyqtyrý kesheniniń prezıdenti ıAkov Sterlıgov.
Tanym arqyly tamyrǵa oralý
«Oqjetpes» kesheniniń birinshi qabatynda emdeý ǵımarattary, kontsert pen fılm kórýge arnalǵan konferentsııa zaly, meıramhana, bılıard ústelderi oryn tepken. Mundaǵy shaǵyn sýret galereıasy kelýshiniń nazaryn aýdarmaı qoımaıdy. Bul joly qabyrǵaǵa qazaq sýretshisi Alpysbaı Qazǵulovtyń sýretteri ilinipti. Halyqaralyq standartqa saı keshenniń jan jadyratar aýrasy qaıdan tamyr alyp jatqanyn osy sýretterge qarap túsinýge bolady.
Bul qazaqı ınterer – Kazakh Nomad Resort tujyrymdamasynyń bir bólshegi. Qazaqı stılde bezendirilgen bólmeler, qymyz, baýyrsaq, jent pen jańa uıytylǵan aıran Kazakh Nomad Resort tásiliniń shıpasyna tán men jandy qatar ılandyrady.
«Biz qazaq mádenıetiniń eń baı elementterin, dástúrlerin qyzmetimizge, tamaq mázirine, bólmelerdi naqyshtaýǵa paıdalandyq. Kól jaǵasyndaǵy 100 metr saıyn ornatylǵan taqtaıshalar arqyly seıil qura júrip emdik serýenge qalaı boılap ketkenińizdi ańdamaı qalýyńyz múmkin. Qozy Kórpesh pen Baıan Sulýdyń mahabbat hıkaıasy da osy taqtaıshalarda beınelengen. Ár taqtaısha qazaq tarıhynyń bir kezeńin sýretteıdi. Munyń bári tán men jandy qatar emdeý úshin oılastyrylǵan», - deıdi «Oqjetpes» emdeý-saýyqtyrý kesheniniń prezıdenti ıAkov Sterlıgov.
Kazakh Nomad Resort tujyrymdamasynyń mańyzdy jańalyǵy – kıiz úı terapııasy. Sanatorıı aýmaǵynda psıhologııalyq arylýǵa arnalǵan kıiz úı-bólme jaıǵasqan. Kelýshiler kıiz úıdiń shıpaly aýasymen tynystap, deneni bosańsytatyn saz tyńdaıdy, medıtatsııa jasap, ot tutatyp, onyń hosh ıisinen lázzat alady.
Mıneraldy sý, shıpaly batpaq
Shıpajaıdyń emdeý hattamasynda dári-dármek qoldanylmaıdy. ıAǵnı, onyń mindeti - ómir súrý deńgeıin arttyryp, aǵzany aýrýdan qorǵaý, bastalǵan álsizdikti besiginde tunshyqtyrý. «Oqjetpes» kesheniniń emdeý-ońaltý bólimshesiniń meńgerýshisi Lıýbov Konopleva bul jerdi klımattyq kýrort dep ataıdy.
«Mundaǵy klımat keremet. Qylqan japyraqty aǵashtardyń 75%-y ósetin erekshe tabıǵı buryshta tur. Taýdyń saf aýasy - bizdiń basty maqtanyshymyz. Munda tynys alý organdarynyń, júrek-tamyr júıesi men tirek-qımyl apparatynyń aýrýlarynan keıin saýyqtyrýǵa basymdyq beriledi. Biz Maıbalyq kóliniń mıneraldy sýyn, Balpashsor kóliniń balshyǵyn emge qoldanamyz. Balpashsor kóliniń balshyǵy tirek-qımyl apparaty aýrýlaryn, artrozdy, artrıtti, omyrtqa osteohondrozyn emdeýge kómektesetin bıologııalyq belsendi balshyq bolyp esepteledi. Bul tirek-qımyl apparatynyń aýrýlaryn emdep qana qoımaı, qabynýǵa qarsy áser etedi»,-dedi «Oqjetpes» kesheni emdeý-saýyqtyrý bólimshesiniń meńgerýshisi.
Mundaǵy radon sýy jurt maqtap júrgen Reseıdegi Pıatıgorsk radon sýlaryna teń. Lıýbov Konoplevanyń aıtýynsha, radon terapııasy – radon sáýlesimen emdeýge negizdelgen jáne deneni qorǵanysqa beıimdeýge kómektesetin, perıferııalyq qan aınalymyna, júıke-bulshyqet apparatyna áser etetin terapııanyń bir túri.
Shıpajaıdyń sý emhanasynda vannanyń bes túri bar: sý massajy, qylqan japyraqty vanna, panta buǵaýy, tórt kameraly vanna men mıneraldy vanna. Munda tipti sebezginiń de birneshe túri bar: dýsh-Sharko, dóńgelek dýsh, dýsh-massaj jáne sýburqaq dýsh. Sonymen qatar, emdeý blogynda fızıoterapııanyń búkil túri, hırýdoterapııa (súliktermen emdeý) bar. Dárigerdiń nusqaýy boıynsha kelýshiler shóp tunbalarynan buqtyrylǵan sháı túrlerin, ottegi kokteılderin ishe alady.
Kelýshiler arasynda buǵy múıizinen alynatyn panta terapııasyna suranys joǵary.
Dárigerlerdiń aıtýynsha, pantoterapııanyń arqasynda ımmýnıtet, deneniń ártúrli ınfektsııalarǵa tózimdiligi artady. Sozylmaly aýrýlardyń kúrt órshigennen keıin jáne ınfektsııa juqtyryp jazylǵannan aǵzanyń tez qa»(lypqa kelýine panta terapııasy taptyrmaıtyn em bolyp esepteledi. Ol úshin mundaǵy buǵy múıiziniń sorpasy quıylǵan vannaǵa, pantaly bý saýnasyna túse alady. Buǵy múıiziniń paıdaly syǵyndylary bet kútimine de paıdaly kórinedi. Sondyqtan munda kelgen qyz-kelinshekter panta-maska jasatyp jatady.
Eń bastysy, ár patsıentke em jeke-jeke taǵaıyndalady. Munda qoldanylatyn terapııanyń qaısysyna oń kórsetkishi bar, qaısysyna keri kórsetkishi bar, sonyń bári tarazylanady. Emdelýshiler esh daıyndyqsyz kelse, mundaǵy dárigerler skrınıng jasap, klınıkalyq jáne bıohımııalyq synaqtar alyp, elektrokardıogrammaǵa túsiredi. ıAǵnı, naýqasty tekserip, onyń aýrýyn anyqtap baryp qana emdeýge kirisedi.
COVID-ten ońalý
«Oqjetpes» emdeý-saýyqtyrý kesheni QR Prezıdenti Іs Basqarmasynyń Medıtsınalyq ortalyǵy bekitken medıtsınalyq-ekonomıkalyq standarttar boıynsha jumys isteıtinin aıta ketý kerek. Onyń ishinde aǵzany koronavırýs ınfektsııasynan keıin qalypqa keltirý baǵdarlamasy da bar.
«Bul baǵdarlamaǵa shóptermen emdeý, fıtoterapııa, emdik dene shynyqtyrý, ottegi kokteıli, túrli ıngalıatsııalar, mıneraldy sý ıngalıatsııasy, dárilik zattar ıngalıatsııasy jáne shóp tunbalar ıngalıatsııasy kiredi. Sondaı-aq, fızıoterapııa, magnıtoterapııa, elektroterapııa, jylý protsedýralary bar. Byltyr osy baǵdarlama boıynsha 1 myńnan astam patsıent saýyǵyp shyqqan. Biz tipti koronavırýstyń aýyr túrine shaldyqqan AQSh azamatyn da emdedik. Eki apta ishinde saýyǵyp shyqty. Áli kúnge deıin sol kezde aman alyp qalǵanymyz úshin alǵys joldap, habarlama jiberip turady. Ol 100% saýyǵyp ketti», - dep eske aldy «Oqjetpes» kesheniniń emdeý-ońaltý bólimshesiniń meńgerýshisi.
Mamandar emdik dene shynyqtyrý men tynys alý gımnastıkasy arqyly júrek-tamyr, tynys alý júıelerinde aqaýy bar naýqastarǵa óte paıdaly ekenin aıtady.
«Tynys alý gımnastıkasynyń arqasynda ókpe óte jaqsy tazartylady, ımmýnıtet joǵarylaıdy, tirek-qımyl júıesi óte belsendi jumys isteıdi. Tynys alý gımnastıkasynan basqa tirek-qımyl apparaty gımnastıkasyn júrgizemiz. Bul qazirdiń ózinde tirek-qımyl apparatynyń aýrýlarymen jumys deýge bolady. Demalýshylar jattyǵýlardy múmkindiginshe oryndaıdy. ıAǵnı, olardyń bizge qandaı syrqatpen kelgenin, onyń fızıkalyq múmkindikteri qandaı da bir jattyǵýdy oryndaýǵa qanshalyqty múmkindik beretinin eskeremiz», - dep tolyqtyrdy fıtnes-jattyqtyrýshy Dınara Eralına.
Sapaly tamaq – sanaly em
Emdeý-saýyqtyrý kesheninde patsıentterdiń tamaqtanýyna da erekshe kóńil bólinedi. Salaýatty jáne tolyqqandy taǵam emdeý protsesiniń ajyramas bóligi ekenin mamandar qaperde ustap keledi.
«Mázir qurastyrǵan kezde maýsymdyq erekshelikterdi eskeremiz. Sondyqtan qysqy jáne jazǵy mázir bar. Dárigerlerdiń qosymsha nusqaýy boıynsha keıbir naýqastardyń dıeta ustaýyna jaǵdaı jasaýǵa tyrysamyz. Naýqastar bizge aýrýdan aıyqqanymen álsizdikten aryla almaı júrgen kezeńde keledi. Osyǵan qaramastan, biz olardyń búkil tilekterin eskerýge tyrysamyz. Ár emdelýshiniń qalaýyna túsinistikpen qarap, qajet bolsa qosymsha tamaq beremiz. Kún saıyn kúndizgi saǵat 11-de jańa pisilgen qymyz usynamyz. Mázirge qazaqtyń ulttyq taǵamdaryn qosýǵa tyrysamyz. Sondyqtan dastarhanymyzdan jent, qurttyń túr-túri, baýyrsaq pen jańa uıytylǵan aıran úzilmeıdi», - deıdi tamaqtaný qyzmetiniń meńgerýshisi Elena Jıtnıkovskaıa.
Ár jyldyń as máziri bekitilgenimen, keıbir emdelýshilerge arnaıy mázir jasalady.
«Emdele júrip músinin túzep alǵysy keletin emdelýshiler kóp. Sondyqtan, bıyl biz qunarlylyǵy 1600-1800 kkal-ǵa deıin tómendetilgen dıetalyq taǵamdy ázirleı bastadyq. Sonymen qatar, vegetarıandyq baǵyttaǵy mázir jasaımyz. ıAǵnı, ár emdelýshiniń ómir fılosofııasyn eskeremiz.
Oraza ustap, ózge de dinı baǵytta tamaqtan, sýdan tyıylatyn adamdarǵa arnalǵan mázir de bolady», - deıdi Elena Jıtnıkovskaıa.
Kóptegen kelýshiler úshin sanatorıı ekinshi úıge aınaldy. Olar munda jaqyndarymen, balalarymen keledi, al dárigerler olardy qushaq jaıa qarsy alady.
«Qyzmetkerlerdiń kóbi munda talaı jyldan beri jumys istep keledi. Bul bizdiń biregeı ereksheligimiz shyǵar. Jyldar boıy óz isine berilgen mamannan artyq bilikti maman joq. Kóptegen maman jumysyn bizdiń shıpajaıda bastap, keıin mansaby ósip jatty. Daıashy bop kelip, ákimshi bolǵandar, shveıtsar bolyp ikirip, basqarýshy dırektorǵa deıin óskender de bar. Bári shetinen óz jumystaryn shyn júrekten jaqsy kóredi jáne ár meıman baǵalaıdy. Mundaı mamandar – bizdiń basty baılyǵymyz», - dedi ıAkov Sterlıgov.
Mamandar emdelýshige, emdelýshiler mamandarǵa baýyr basyp, senim artyp alatyn jaǵdaılar bolady. Munda da turaqty emdelýshiler qalyptasqan kórinedi.
«Bul ózi qyzyq. Bala kúninde ájesine erip kelgen keıbir emdelýshiler búgin osynda balasyn ákelip júredi. Shynymen kóz aldymyzda ósken balalar bar. Nekesin shıpajaıda qıǵan emdelýshiler de boldy. Em izdep kelip, júreginiń jartysyn tapqandar bar», - deıdi ıAkov Sterlıgov.
Keshen aýmaǵynda jańa ǵımarat salynýy múmkin. Sondaı-aq aerobıka, ıoga, gımnastıka, aıkúne (kóshpeli órkenıetn gımnastıkasy – red.) sııaqty túrli belsendi em sharalary baǵdarlamaǵa engizilmek.
