Oqýshylar «Óz aǵashyńdy ósir» aktsııasyna belsendi qatysty
QONAEV. KAZINFORM – «Taza Qazaqstan» jalpyulttyq ekologııalyq aktsııasymen tuspa-tus kelgen oblys ákimi Marat Sultanǵazıevtiń issapary Jambyl aýdanynda jalǵasty.
Birqatar áleýmettik nysandardy aralap shyqqan óńir basshysy, Uzynaǵash aýylyndaǵy № 1 mektep-lıtseıine kelip «Óz aǵashyńdy ósir» atty ıgi is-sharaǵa qatsyp, mektep oqýshylary men birge aǵash otyrǵyzdy.
«Qadirli ustazdar men oqýshylar! Búgin «Jasyl aımaq» baǵyty boıynsha mektep oqýshylary men ujymdarynyń bastamasymen óńirimizde «Óz aǵashyńdy ósir» atty tuqymnan aǵashty otyrǵyzý aktsııasy uıymdastyrylyp otyr. Oǵan bilim ordalaryndaǵy 340 myńnan astam oqýshynyń qatysýy onyń jalpy buqaralyq sıpatyn kórsetip otyr. Osy arqyly biz Prezıdentimizdiń orman alqabynda 2 mıllıard, eldi mekenderde 15 mıllıon aǵash otyrǵyzý boıynsha tapsyrmasyn oryndaýǵa óz úlesimizdi qosyp otyrmyz», - dedi Marat Sultanǵazıev.
Oblys ákimi bul aktsııanyń tárbıelik máni joǵary ekenin atap ótti.
«Týyp-ósken jerimizdi, óz ólkemizdi kógaldandyrý, jasyl jelekke oraýǵa múmkindik beredi. Osyndaı ıgi is-sharalar bizdiń aýyzbirshiligimizdi aıqyndap, eldigimizdi kórseteri anyq. Endeshe barlyq atsalysqan jerlesterimiz ben búldirshinderimizge alǵysymdy bildiremin», - dedi Marat Sultanǵazıev.
