Oqýshylar kúzgi kanıkýlda 7 kún demalady

ASTANA. KAZINFORM – Qazaqstandyq mektepterde birinshi toqsan aıaqtalýda. Kúzgi kanıkýl kezeńi 2025 jylǵy 27 qazanda bastalyp, 2 qarashany qosa alǵanda jeti kúnge sozylady. Bul týraly Oqý-aǵartý mınıstrliginiń baspasóz qyzmeti habarlady. 

Mektep oqýshylarynyń kúzgi demalystaǵy bos ýaqytyn tıimdi ótkizý jáne jeke tulǵalyq qasıetterin damytý maqsatynda «Adal azamat» birtutas tárbıe baǵdarlamasy aıasynda is-sharalar jospary usynylady.

Jospar patrıotızm, ádilettilik jáne jaýapkershilik sııaqty qundylyqtardy damytýǵa baǵyttalǵan is-sharalardy qamtıdy:

* «Balalar kitaphanasy» jobasyn iske asyrý sheńberinde «Demalysta kitap oqımyz» is-sharasy;
* «Býllıngten qorǵan!» qaýipsizdik sabaǵy;
* «Mektep teatrynyń» jumysyn uıymdastyrý usynylady.

Eń bastysy, balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alý is-sharalaryna, mekteptiń ishki tártibin saqtaý, balalardyń kóshede qaýipsizdigi, úıdegi órt qaýipsizdigi jáne kıberqaýipsizdik sharalaryna erekshe nazar aýdarý qajet.

Aıta keteık, bul is-sharalar bilim berý uıymdaryna ádistemelik usynym retinde joldanady. 

Aıta ketelik oqýshylar arasynda alǵash ret qarjylyq saýattylyq pen tsıfrlyq qaýipsizdik olımpıadasy ótetini týraly jazǵan edik.