Oqýshy aýany ylǵaldandyratyn robot oılap tapty
SEMEI. KAZINFORM – Abaı oblysynyń oqýshysy aýany ylǵaldandyratyn robot oılap tapty. Bul týraly Abaı oblysy ákimdiginiń baspasóz qyzmeti habarlady.
Aıagóz aýdany № 1 jalpy orta bilim beretin mektebiniń 8-synyp oqýshysy Nurıllá Daýletqyzy ekologııalyq erekshe joba jasap shyqty. Ol aýanyń ylǵaldylyǵyn ólshep, qajet bolǵanda avtomatty túrde aýa ylǵaldandyrǵyshty qosatyn, sóıleıtin robot qurastyrdy.
Qurylǵy bólmedegi aýany úzdiksiz baqylap, qurǵaq bolǵanda ózdiginen iske qosylady. Robot naqty aqparatty dybystap jetkizedi, qurǵaq aýa baıqalǵanda ózdiginen iske qosylady jáne energııany únemdeıdi. Sonymen qatar ol bólme temperatýrasyndaǵy ósimdikterge paıdaly, úıde, mektepte jáne keńsede qoldanýǵa yńǵaıly.
Oqýshy sensorlardy qoldanýdy úırenip, syzbasy men 3D modelin ázirledi, baǵdarlamalap, qurylǵyny ózi jınady. Mektep jaǵdaıynda synaqtan da ótkizip úlgerdi.
— Maqsatym — adamdarǵa qolaıly orta qalyptastyryp, densaýlyqty qorǵaýǵa jáne tabıǵatty saqtaýǵa úles qosý. Aldaǵy ýaqytta robotymdy jetildirip, kúndelikti turmysta qoljetimdi etkim keledi, — deıdi Nurıllá.
Aldaǵy ýaqytta Nurıllá robotyna jasandy ıntellekt elementterin qosyp, ekologııalyq monıtorıng júıesin jetildirýdi josparlap otyr. Ol jobasyn turmysta ǵana emes, bilim berý salasy men óndiriste de paıdalanýǵa bolatynyn aıtady.
Aıta ketelik Abaı oblysynyń oqýshysy baqsha sýaratyn robot oılap tapqan edi.