Oqýlyq shyǵarýǵa arnalǵan 16 mlrd teńge tıimsiz bólindi – Joǵary aýdıtorlyq palata
ASTANA. KAZINFORM – Joǵary aýdıtorlyq palata tóraǵasy Álıhan Smaıylov Jibek Joly telearnasyna bergen suhbatynda orta bilim berý saıasatyndaǵy turaqsyzdyq bıýdjetke qandaı salmaq túsirip jatqanyn aıtty.
— Orta bilim berý salasynda birqatar kemshilik anyqtaldy. Mysaly, strategııalyq qujattar jıi ózgeredi. Sonyń saldarynan buryn qolǵa alynǵan bastamalardyń bir bóligi áli aıaqtalmaı keledi. Bul degenimiz — salada iske asyrylyp jatqan saıasattyń sabaqtastyǵy jetispeıdi degen sóz. Oqý baǵdarlamalary da jıi ózgeredi. Bul óz kezeginde shyǵarylyp qoıǵan oqýlyqtardy qaıta qaraýǵa májbúrleıdi. Ol qosymsha qarajat bólýdi talap etedi. Mysaly, sońǵy 5 jylda shyǵarylyp qoıǵan oqýlyqtardy qaıta qaraý úshin 16 mlrd teńge tıimsiz, qosymsha bólindi, — dedi palata basshysy «Ýáde» baǵdarlamasynda.
Buǵan deıin Joǵary aýdıtorlyq palata júrgizgen aýdıtter nátıjesinde 2024 jyly 135 mlrd teńge bıýdjetke qaıtarylǵanyn jazǵan edik.