Oqýda qıyndyǵy bar balalardyń sany 2 mıllıonǵa jetken

ASTANA. KAZINFORM – Bir jyl ishinde eldegi psıhofızıkalyq damý buzylystary bar balalardyń sany 8% ósken. Oqý aǵartý mınıstrliginiń «Bóbek» saýyqtyrý ortalyǵyn qaıta uıymdastyrý týraly buıryq jobasynyń negizdemesinde osyndaı derekter keltirilgen.

«Sońǵy jyldary respýblıkada oqytýda erekshe kózqarasty qajet etetin balalar sanynyń ósý tendentsııasy baıqalady. Tek bir jyl ishinde psıhofızıkalyq damý buzylystary bar balalardyń sany 8%-ǵa ósti (2024 j. – 203 myń, 2023 j. – 188 myń, 2022 j. – 175 myń), sondaı-aq oqytýda erekshe qıyndyqtary, minez-qulyq jáne emotsıonaldyq problemalary bar 1,5 mln-nan astam bala; áleýmettik-psıhologııalyq, ekonomıkalyq, tildik, mádenı sebepterge baılanysty oqýda qıyndyqtarymen 500 myńǵa jýyq bala bar», - dep jazylǵan resmı málimette.

Osyǵan baılanysty ınklıýzıvti bilim berýdi bir jerden júıelep otyratyn ulttyq ǵylymı-praktıkalyq ortalyq qurý qajettiligi týyndap otyrǵan kórinedi.

«Zertteýler kórsetkendeı, erte qoldaý arqyly erekshe kózqarasty talap etetin balalardyń úlgerimin 100% jaǵdaıda jaqsartýǵa qol jetkizý úshin Úzdiksiz ınklıýzıvti bilim berýdiń Ulttyq ǵylymı-praktıkalyq ortalyǵyn qurý qajettiligi týyndady», - delingen qujatta.

Buǵan deıin jazǵanymyzdaı, «Bóbek» saýyqtyrý ortalyǵy ınklıýzıvti bilim berýdiń ulttyq ortalyǵyna aınalýy múmkin.