Oqý-aǵartý mınıstri mekteptegi tapshy mamandardy atady

NUR-SULTAN. QazAqparat – QR Oqý-aǵartý mınıstri Ashat Aımaǵambetov mektepterdegi kadr tapshylyǵy máselesin sóz etti, dep habarlaıdy QazAqparat tilshisi.

«Buǵan deıin aıtqanymdaı 2025 jylǵa deıin elimizde 1 myń mektep ashý mindeti tur. Osy oraıda jańa mektepterdi salý bir másele bols, ekinshi jaıt sol mektepterdi qajetti kadrlarmen qamtý. Bul óte mańyzdy. Bizdiń sanaýymyzsha, jańadan ashylatyn mektepterge kem degende 100 myń pedagog kerek. Bul baǵytta biz qazir jumys istep jatyrmyz», - dedi Ashat Aımaǵambetov elordadaǵy №86 mektep-gımnazııada ótken alǵashqy qońyraý saltanatty sharasy barysynda tilshilerdiń suraǵyna jaýap bere turyp.

Sondaı-aq, mınıstr mektepterde qandaı pán muǵalimderiniń jetispeıtindigi týraly aıtty.

«Qazir bizde bastaýysh synyp, sonymen qatar matematıka, fızıka, hımııa páni muǵalimderine úlken qajettilik týyndap tur. Osy oraıda memlekettik granttardyń sanyn kóbeıtip jatyrmyz», - deıdi ol.

Buǵan deıin Ashat Aımaǵambetov úsh aýysymdy mektepterdiń bes kúndik oqý formatyna kóshpeıtinin málimdegen edi.

Odan bólek, atalǵan vedomstvo basshysy 2025 jyly úsh aýysymdy jáne apatty jaǵdaıdaǵy mektepter problemasynyń tolyq sheshiletinin aıtty.

Sonymen qatar halyqaralyq olımpıadalardyń jeńimpazy atanǵan oqýshylardyń JOO-ǵa tegin túse alatyny týraly habarlaǵan bolatynbyz.