OQO prokýrory: Dıvanda jatyp, saıasatqa aralasatyndar kóbeıdi
I. Imanovtyń sózine qaraǵanda, otbasyndaǵy zorlyq-zombylyq, urys-janjal men aıqaı-tóbeles jekelegen adamdardyń bilimsizdiginen, ádepsizdikten, jumyssyzdyqtan týyndaıdy. Al osyndaılardyń qatary qoǵamda kóp bolsa, jarqyn bolashaqtyń aýyly alystaıdy. Mine, osyǵan baılanysty Elbasy halyqtyń sanasyn kóteretin, namysyn oıatatyn oı-pikirin joldaǵan bolatyn. Ol búgingi kúnniń taqyryby - rýhanı jańǵyrý bolyp tabylady.
«Qazirgi tańda jeke adam ǵana emes tutas halyqtyń ózi básekelik qabiletin arttyrsa ǵana tabysqa jetýi múmkin deıdi maqalasynda. Básekelik qabilet degenimiz - naryqta baǵasy, ıa bolmasa sapasy jóninen ózgelerden utymdy dúnıe usyna alýy. Bul materıaldyq qana ónim emes, sonymen birge, bilim, qyzmet nemese sapaly eńbek resýrstary bolýy múmkin»,- deıdi oblys prokýrory.
Onyń aıtýynsha Elbasy maqalasynda Qytaı men Japon elin úlgi etedi. Óıtkeni dúnıe júzinde osy elderdiń shyǵarǵan kıimin kımegen, kóligin minbegen, teledıdaryn kórmegen adamdar sanaýly.
«Eger qazaqstandyqtar jer júzine, úıden shyqpaı, terezeden telmirip otyryp baǵa beretin bolsa, álemde, qurlyqta, tipti irgedegi elderde qandaı daýyl soǵyp jatqanyn kóre almaıdy degen pikir aıtty Elbasy. Qazir dıvanda jatyp saıasatqa aralasatyndar sany kóbeıip keledi. Ózgeristerdi halyqty bólip-jaryp, bir-birine aıdap salyp, revolıýtsııa jolymen ákelýge de tyrysyp júrgender jetkilikti. Búginde keıbir memleketterde revolıýtsııalar óńin ózgertip, ulttyq, dinı, taǵy da basqa perdeler jamylyp bastalyp, qantógispen, ekonomıkalyq kúıreýmen aıaqtalyp jatyr. Osyǵan baılanysty, Elbasy óz maqalasynda Qazaqstan - revolıýtsııalyq emes, evolıýtsııalyq damýdy tańdaýy kerek degen tujyrym aıtty. Biz, qalaımyz ba, qalamaımyz ba, biraq jańa tehnologııanyń aǵyny alyp keletin ózgeristerdiń bári bizge synaq. Sondyqtan biz oǵan daıyn bolýymyz kerek dep Elbasy bizdi saqtandyryp otyr», - deıdi Ibrahım Imanov. ıAǵnı, kez-kelgen Qazaqstandyq taıaýdaǵy on jylda ómir saltymyz ózeretinin túsinip, bilimdi, kózi ashyq, kókiregi oıaý bolýǵa umtylý qajet. Naqty maqsatqa jetýge, bilim alýǵa, salamatty ómir saltyn ustanýǵa kúsh salý kerek.
«Minezi túzý adam ortaǵa jaıly adam, qashan da aınalasyna baq-bereke ákeledi. Bundaı adamdardyń aınalasynda zorlyq-zombylyq degen túsinik júrmeıdi. Sondyqtan bul Joba rýhanı jańǵyrýdyń bir baǵyty retinde bizdiń óńirde iske asyrylyp jatyr»,- dedi oblys prokýrory.
