OQO-ny jastary kıeli jerlerge sapar shekti

ShYMKENT. QazAqparat - Ońtústik Qazaqstan oblysynyń jastary kıeli jerlerge sapar shekti. Jas týrıster kóne Otyrar qalashyǵynda bolyp, Shyńǵys han áskerine alty aı tótep bergen shahardy tamashalady, dep habarlaıdy QazAqparat HAA tilshisi.

Elbasynyń «Bolashaqqa baǵdar: rýhanı jańǵyrý» atty maqalasy aıasynda uıymdastyrylǵan shara kıeli jerlerge taǵzym etip, Elbasy maqalasyn qoldaý maqsatynda uıymdastyryldy. Oblystyq Jastar ortalyǵy bastap barǵan bul saıahatqa 30 jas tartyldy.
 

«Týǵan jer» jobasy negizinde sapar shekkender álemge áıgili oıshyl fılosof, birneshe ǵylymdy qatar meńgergen Ábý Nasyr Ál-Farabıdiń kindik qany tamǵan jerdi kórip, tarıhymen tanysty. Arıstotelden keıingi ekinshi ustazdyń qaıtalanbas qyry men syryna qanyqty.

Aıta keteıik, Ábý Nasyr Ál-Farabıdiń  fızıka, matematıka astronomııa, botanıka, mýzyka syndy birneshe ǵylymda máńgi qoltańbasyn qaldyrǵan. Alaıda, onyń sońynan qalǵan qundy derekter men muralaryn ekiniń biri qolmen ustap, kózben kórgen emes. Mundaı múmkindik shymkenttik jastarǵa buıyrdy. Olar kóne shahardaǵy ǵalym murajaıyna bas suqty. Sondaı-aq, jas týrıster ejelgi Otyrar qalashyǵynda 19 ǵasyrdan beri júrgizilip jatqan arheologııalyq qazba jumystarymen tanysty. Ondaǵy mamandardyń sózinshe, bul mańnyń topyraǵyn túrtken saıyn túrli qysh qumyralar men qarý-jaraqtar kóptep tabylady. Onyń ózi otandyq ǵalymdar men sheteldik týrısterdiń asqan qyzyǵýshylyǵyn oıatyp otyr.
 

«Týǵan jer» baǵdarlamasy osylaısha jastar tarapynan qoldaý tabýda. Jyl sońyna deıin bul joba boıynsha 10 myń jastar kıeli mekenderge sapar shegedi dep kútilip otyr. Eldiń búgini men erteńin sabaqtastyryp, tarıhyn keleshekke amanat etetin jas saıahatshylardyń senbilik tarıhy sapary aqysyz bolady. Tek ol úshin jastar aldyn ala tirkelip kelse bolǵany.