OQO-da maıdangerlerge 240 myń teńgeden berildi

ShYMKENT. QazAqparat -Ońtústik Qazaqstan oblysynda Jeńistiń 73 jyldyq  merekesinde 174 soǵys ardagerge erekshe qurmet kórsetildi. Maıdangerlerge oblys ákiminiń quttyqtaý haty joldanyp, syı-sııapat kórsetildi, dep habarlaıdy  QazAqparat tilshisi.

Aımaqtaǵy barlyq soǵys ardagerlerine áleýmettik qoldaý kórsetý boıynsha  100 aılyq eseptik kórsetkish, ıaǵnı, 240 500 teńge kóleminde aqsha berildi. Al tyl eńbekkerlerine 12025 teńge kóleminde bir rettik materıaldyq kómek tólendi.

Aıta keteıik, oblystan ekinshi dúnıejúzilik soǵysqa 140 myńnan astam azamat attanyp, onyń 70 myńy elge oraldy. Janqııarlyq erligi úshin ońtústikqazaqstandyq 51 azamatqa Keńes Odaǵynyń Batyry ataǵy berilse, 8 maıdanger «Dańq» ordeniniń ıegeri, 1 -i Halyq qaharmany  atandy.

Jalpy, óńirde soǵys ardagerlerinen bólek  15733 tyl eńbekkerine jáne 4885 ekinshi dúnıejúzilik soǵysyna qatysýshylar men múgedekterge teńestirilgenderge qurmet kórsetilýde.


 

foto:  Bereke Seıitjappar