OQO-da «Quqyq qorǵaý qyzmetteri ortalyǵy» ashyldy
Ortalyqta 11 mekemeniń mamandary azamattarǵa aqysyz túrde 22 kásibı quqyqtyq kómek kórsetedi. Turǵyndar tájirıbeli prokýrorlar men advokattardyń, medıatorlar men notarıýstardyń, sondaı-aq memlekettik kirister organdary men ákimdik, probatsııa qyzmetkerleriniń kómegine júgine alady. Azamattarǵa ashyq jáne jarııaly túrde kómek kórsetetin ári olardy áýre-sarsańǵa salmaı, quqyǵyn jedel túrde qorǵaý maqsatynda ashylǵan ortalyq halyqtyń memlekettik jáne quqyqtyq organdarǵa degen senimin arttyrady.
Saltanatty jıynda QR Bas prokýrorynyń orynbasary Marat Ahmetjanovtyń aıtýynsha, mundaı ortalyqtar azamattardyń aryz- shaǵymdarynyń azaıýyna, máselesin der kezinde sheshýlerine ońtaıly septigin tıgizedi.
«Buǵan deıin azamattar aryzdanyp barǵanda basshy qabyldaıdy da, bir aıdan keıin «sizdiń jaýabyńyz qanaǵattandyrylýsyz qaldy» dep jaýap beretin. Ne kedergi ekenin aıtpaıdy, sheshý joldaryn túsindirmeıdi. Odan keıin túsinbeýshilik týyndaıdy da, ol azamat taǵy birneshe jerge aryzdanady. Qazir biz Elbasynyń tapsyrmasyna sáıkes, árbir adamǵa qarapaıym tilmen jaýap berýge tyrysyp jatyrmyz. Endi prokýrorlar halyqqa meılinshe jaqyn bolyp, problemasyn túsinip, sheshýge atsalysýda. Endi osyndaı ortalyqtar arqyly halyq prokýratýranyń ashyq ári qoljetimdi ekenin, muqııat tyńdap, sheshýge kómektesip jatqanyn kórdi. Qaıtalanyp jazylatyn aryzdardyń sany úsh esege azaıdy. ıAǵnı, azamattar osy ashylǵan ortalyqqa kelý arqyly óz sheshimine jaýabyn tabý kerek»,- dedi Marat Ahmetjanov.
«Nur Otan» partııasy oblystyq fılıalynyń ǵımaratynan ashylǵan ortalyq zaman talabyna saı ınjenerlik-tehnıkalyq qońdyrǵylarmen, elektrondy kezek júıesimen, «ConnectionPoint» ózine-ózi qyzmet kórsetý sektorymen, kútý zalymen jáne t.b. qajetti ınfraqurylymdarmen jabdyqtalǵan. «Bir tereze» qaǵıdatyna negizdelgen ortalyqta kez kelgen kelýshiler ózin tolǵandyrǵan másele boıynsha operatorlardan keńes alyp, suraqtyń mazmunyna qaraı tıisti mamandarǵa joldanady. Prokýrorlardyń aıtýynsha, munda barlyq aryzdar mindetti túrde qabyldanady. Ári olardy túpkilikti sheshýge quqyq qorǵaý, quzyrly organdar kúsh salmaq. Bul óz kezeginde sybaılas jemqorlyq áreketterge tosqaýyl bolmaq.
Budan bólek prokýrorlar qadaǵalaýshy organǵa aryzdanýdyń tıimdi joly retinde jańadan jasalǵan mobıldi qosymshalardy tanystyrdy. Bul boıynsha kez kelgen azamat uıaly telefon arqyly prokýrorǵa kirýge kezekke turyp, elektrondy túrde aryzdaryn joldaı alady.
