OQO-da Konstıtýtsııa kúnine oraı kúshtik qurylymdar arasynda jarys ótti

ShYMKENT. QazAqparat - Ońtústik Qazaqstan oblysynda Konstıtýtsııa kúnine oraı quqyq qorǵaý organdary men kúshtik qurylymdar arasynda týrnır ótti. Oblys ákiminiń kýbogy úshin uıymdastyrylǵan jarysta qatysýshylar voleıbol jáne shaǵyn fýtboldan saıysqa tústi, dep habarlaıdy «QazAqparat» HAA tilshisi.

«Qajymuqan» ortalyq stadıonynda ótken jarysqa ońtústiktiń ishki ister organdary, arnaıy uıymdar jáne kúshtik qurylymdardan qurylǵan 24 komanda qatysty. Týrnırdi saltanatty túrde OQO ІІD-niń bastyǵy, polıtsııa polkovnıgi Janat Sýleımenov ashyp, atalǵan is-sharanyń eldiń tynyshtyǵyn kúzetip júrgen qyzmetkerlerdiń sporttyq dárejesin kóterý men olardyń salamatty ómir saltyn ustanýy maqsatynda uıymdastyrylyp jatqanyn atap ótti.

Eki kúndik sporttyq jarys nátıjesi boıynsha voleıboldan birinshi oryndy UQK-niń OQO boıynsha departamentiniń komandasy alsa, ekinshi oryndy OQO ІІD-niń komandasy, úshinshi oryn oblystyq Sotynyń komandasy ıelendi.

Al, shaǵyn fýtboldan Oblystyq ishki ister departamentiniń komandasy úzdik dep tanyldy. Ekinshi oryndy UQK-niń OQO boıynsha departamentiniń komandasy, úshinshi oryndy Oblystyq tótenshe jaǵdaılar departamentiniń komandasy ıelendi.