OQO-da bes júzden astam bala UBT-dan 100 baldan joǵary jınady

ASTANA. QazAqparat - 20 maýsym kúni Ońtústik Qazaqstan oblysynda Ulttyq biryńǵaı testileýden 4 266 bitirýshi test tapsyryp, oblystyń ortasha kórsetkishi - 72,3 baldy kórsetti, dep habarlaıdy oblys ákiminiń baspasóz qyzmeti.

Jalpy keshe 514 bala 100 baldan joǵary jınasa, eń joǵary 137 baldy Shymkent qalasy, «Bolashaq» mektebiniń oqýshysy Isataı Birjan jınady. Al, 136 baldy Shymkent qalasy №47 mektep-gımnazııasynyń oqýshysy Joldasbekova Aıgerim Dastanbekqyzy jınap otyr.

Birinshi  kúngi synaqtyń qorytyndysymen oblystyń orta baly - 72,3 baldy qurady. Atap aıtqanda: Shymkent jáne Saıram - 75,5, Qazyǵurt - 74,3, Túlkibas - 72,7, Sozaq - 70,6, Saryaǵash -70,4, Báıdibek - 70,2, Maqtaral - 67,03 baldy kórsetti.

Testileý kezinde UBT qaǵıdaty talaptarynyń buzylýy oryn alǵan joq.

Aıta keteıik, oblys boıynsha 2016-2017 oqý jylynda 11 synypty 32964 oqýshy aıaqtasa, onyń 21668-i joǵary oqý ornyna túsý úshin synaq tapsyrýǵa nıet bildirgen. ıAǵnı,78,2 paıyzy UBT tapsyrýǵa ótinish bergen.