OQO-da bas redaktorlar klýbynyń otyrysy ótti
Oblys ákiminiń orynbasary Ulasbek Sádibekovtiń tóraǵalyǵymen ótken sharaǵa respýblıkalyq jáne oblystyq BAQ ókilderi qatysty, dep habarlaıdy QazAqparat tilshisi.
Jıynda Prezıdenttiń Qazaqstan halqyna arnaǵan «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýy, «Rýhanı jańǵyrý: bolashaqqa baǵdar» baǵdarlamalyq maqalasy jáne Astana qalasynyń 20 jyldyǵy aıasynda atqarylatyn sharalar talqylandy.
Jıynda oblys ákiminiń orynbasary Elbasy qoıǵan tapsyrmalardy oryndaýda buqaralyq aqparat quraldarymen birlesip jumys atqarý mańyzdy ekenin atap ótti.
«Elbasy bıylǵy Joldaýynda damyǵan elderdiń qataryna qosylyp, ozyq memleketke aınalý úshin negizgi on mindetti naqtylap berdi. Atalǵan baǵyttar boıynsha atqarylatyn jáne atqarylǵan jumystardy halyqqa jetkizýde Sizderdiń rólderińiz orasan zor. Osy oraıda, Joldaý - elde júrgizilip jatqan jańǵyrý úderisteriniń logıkalyq jalǵasy ekenin jáne elimizdiń damý strategııasymen, Ult josparymen, Elbasynyń «Bolashaqqa baǵdar: rýhanı jańǵyrý» maqalasymen ushtasatynyn túsindirip, baǵyt silteý kerek», - dedi Ulasbek Sádibekuly.
Sondaı-aq, jıynda rýhanı jańǵyrý baǵdarlamasyn jas býynnyń boıyna sińirý maqsatynda óńirdegi mektepter men kolledjderde arnaıy fakýltatıvti sabaqatardy engizý týrasynda oı qozǵaldy. Osyǵan oraı óńirde arnaıy ádistemelik quraldar da ázirlený ústinde.
Odan bólek, Astana qalasynyń 20 jyldyq mereıtoıyn atap ótý kezinde atqarylatyn birqatar jumystar tanystyryldy. Aıtýly mereke qarsańynda jyl sońyna deıin oblysymyzda kóptegen is-sharalar ótkizilmek. Sondaı-aq, aýdan, qalalarda «Astananyń 20 jyldyǵy» atyndaǵy jańadan saıabaqtar men alleıalar salynyp, birqatar áleýmettik nysandar paıdalanýǵa beriledi dep josparlanýda.
Jıyn sońynda BAQ ókilderi jospardy oryndaý barysynda ózderiniń usynystarymen bólisip, atqarylatyn jumystardyń jaıyn aqyldasty. Sóz sońynda forým jumysyna sáttilik tilegen U.Sádibekov el damýyna óz úlesterin qosyp otyrǵan barsha BAQ ókilderine alǵysyn bildirip, jańa mindetterdi birlesken túrde júzege asyrýǵa senim bildirdi.
