OQO-da 11 salaǵa «aqyldy qala» júıesi engizilmek
Oblys ákimi Janseıit Túımebaevtyń tóraǵalymen ótken májiliste aımaq basshysynyń orynbasary Tólegen Sársembaev atalǵan baǵdarlamanyń oblysta oryndalý barysyn baıandady. Jıynda málim bolǵandaı úlgilik kontseptsııaǵa sáıkes «Aqyldy qalany» damytý baǵytyna 11 sala engizilgen. Olar - bilim, densaýlyq saqtaý, turǵyn úı-kommýnaldyq sharýashylyǵy, áleýmettik sala, kólik, memlekettik basqarý, aýyl sharýashylyǵy, ekologııa, týrızm, qaýipsizdikti qamtamasyz etý men qurylys salasy. Búgingi tańda tsıfrlyq keńse tarapynan árbir baǵalaýǵa engizilgin salalar boıynsha tsıfrlyq tehnologııalardy engizý jospary ázirlendi.
Qazirdiń ózinde Shymkent qalasynda bilim salasy boıynsha birshama smart júıeler júzege asyrylýda. Máselen, oqýshylardyń bilim sapasyn jaqsartý maqsatynda oblystaǵy 779 mektepte «Kúndelik» júıesi engizildi. Sonymen qosa adamı faktor men sybaılastyq áreketti boldyrmaý maqsatynda balǵyndardy balabaqsha men 1-synypqa elektrondy túrde qabyldaý jobasy engizildi. Qazirgi kezde osy qyzmettiń arqasynda 23 myńnan astam bala qalanyń balabaqshalaryna sátti ornalassa, tirkelý úshin 64 myńnan astam joldama berilgen.
Budan bólek, qalada pedagogıkalyq ujymdy irikteý júıesin avtomattandyrý maqsatynda t-hunter baǵdarlamasy engizildi. Osy arqyly shymkenttik muǵalimder jumysqa elektrondy túrde qabyldanýda. Jobany júzege asyrý barysynda 700-den astam úmitker qatysyp, onyń 491 jalpy orta bilim berý uıymdaryna muǵalim retinde jumysqa alynǵan.
Elektrondy formatqa kóshirý boıynsha jumystar júıeli túrde júrgiziletinin jetkizgen oblys ákiminiń orynbasary oblystaǵy bilim salasyn ári qaraı damytýdyń josparyn usyndy.