OQO-da 11 ındýstrıaldyq aımaq qurylǵan

ShYMKENT. QazAqparat - Ońtústik Qazaqstan oblysynyń ınvestıtsııalyq tartymdylyǵyn arttyrý men shaǵyn jáne orta bıznestiń damýyna qolaıly jaǵdaı jasaý maqsatynda oblystyń barlyq aýdan, qalalarynda 11 ındýstrııalyq aımaq qurylýda. Bul týraly búgin Aımaqtyq kommýnıkatsııalar qyzmetinde ótken brıfıngte Ult josparynyń oryndalý barysy týrpaly baıandaǵan óńir basshysy B.Atamqulov málim etti.

«Búginde jalpy aýmaǵy 525 ga 6 ındýstrııalyq aımaq iske qosyldy. Onda 143 joba iske asyrylyp, 11,4 myń jumys ornyn ashý josparlanýda», - dedi óńir basshysy.

Sondaı-aq oblys ákimi baspasóz máslıhatynda elimiz boıynsha alǵash bolyp jumysyn bastaǵan «Ońtústik» ındýstrıaldyq aımaǵy óziniń tıimdiligin dáleldegenin atap ótti. Onda 20,4 mlrd teńgeniń 39 jobasy iske asyrylyp, 3,1 myń jumys orny ashylǵan.

Aıta keteıik, sońǵy 5 jylda ınfraqurylym tartýǵa jumsalǵan qarjynyń 67 paıyzy bıýdjetke salyq túrinde qaıtarylǵan. Osy túsimder dınamıkasy saqtalǵan jaǵdaıda, aldaǵy 2 jylda bıýdjettik ınvestıtsııa tolyq qaıtarylady dep kútilýde.

Jalpy ındýstrıaldyq aımaq qurylǵaly onyń qatysýshylary 67,9 mlrd. teńgeniń (2015 jyly 19,2 mlrd. teńge) ónimin shyǵarǵan.