OQO ákimdiginde tórt basqarma qaıta qurylady

  ASTANA. QazAqparat - Ońtústik Qazaqstan oblysynda aldaǵy ýaqytta basqarý shemasyn júıelendirý maqsatynda tórt basqarma qaıta qurylatyn bolady. Bul týraly búgingi ótken altynshy shaqyrylymdaǵy Ońtústik Qazaqstan oblystyq máslıhatynyń  kezekten tys on besinshi sessııasynda málim boldy, dep habarlaıdy QazAqparat aımaq ákimdiginiń baspasóz qyzmetine silteme jasap.

ıAǵnı, óńirdegi týrızmdi tııanaqty damytý jáne oblysqa tartylatyn syrtqy ınvestıtsııanyń kólemin arttyrý maqsatynda «Týrızm jáne syrtqy baılanystar», Elbasynyń áleýmettik-ekonomıkalyq damýdy tsıfrlandyrýǵa kóshirý bastamasyn oryndaý jáne halyqqa kórsetiletin memlekettik qyzmettiń sapasyn arttyrý úshin «Aqparattandyrý, memlekettik qyzmet kórsetý jáne arhıvter», otbasy qundylyqtaryn dáripteý, zorlyq-zombylyqtyń aldyn alý maqsatynda «Otbasy, balalar men jastar isteri jónindegi» jáne mádenıet pen ana tildi, sondaı-aq oblysta turatyn etnos ókilderiniń tilderin júıeli túrde damytý úshin «Mádenıet jáne tilderdi damytý» basqarmalary qaıta qurylady.

Sessııa jumysyna qatysqan oblys ákimi J.Túımebaev qurylatyn basqarmalar  basqarý júıesin ońtaılandyryp, óńirdiń áleýmettik-ekonomıkalyq damýyna óz septigin tıgizetinin atap ótti.

«Oblystyń basty tabys kózi ol egin sharýashylyǵy, mal sharýashylyǵy, óndiris,  qurylys,  sondaı-aq týrızm salalary. ıAǵnı, osy týrızm salasyn ary qaraı damytýymyz kerek. Sondyqtan da týrızm jáne syrtqy baılanystar basqarmasyn  kásipkerlik basqarmasynan shyǵaryp otyrmyz. Jalpy  dúnıede kóptegen memleketterde týrızm sol eldiń ekonomıkasyna jaqsy kiris keltirýde. Tek qana Túrkııa Respýblıkasynyń  ózinde jylyna týrızmnen  40 mlrd. AQSh dollar bolatyn kiris kirgen. Al endi Ońtústik týrıster úshin tarıhı eskertkishter men kıeli  jerlerdiń otany desek, osy salada birlese jumys atqaryp, týrızmdi damytýdy myqtap qolǵa alýymyz kerek»,-dedi ákim.

Aıta keteıik, sessııa jumysyna oblys ákimdiktiń músheleri men aýmaqtyq saılaý komıssııasynyń tóraǵasy, qala jáne aýdan ákimderi, quqyq qorǵaý organdarynyń, oblystyq aýmaqtyq departamentter men basqarmalardyń basshylary, buqaralyq aqparat quraldarynyń ókilderi qatysty.

Máslıhat sessııasynyń kún tártibinde budan bólek, 2017-2019 jyldarǵa arnalǵan oblystyq bıýdjetke  ózgerister men tolyqtyrý engizý, Shardara  qalasynyń  jáne  Qaýysbek  Turysbekov  aýyldyq  okrýginiń  shekaralaryn  ózgertý,oblysta ornalasqan memlekettik zańdy tulǵalarǵa ataý berý jáne qaıta ataý týraly usynystardy Respýblıkalyq onomastıka komıssııasynyń qaraýyna engizý, aýyldyq jerge jumysqa jiberilgen medıtsına jáne farmatsevtıka qyzmetkerlerin áleýmettik qoldaý sharalarynyń júıesi syndy 13 másele qaraldy.