ShQO-daǵy GES kaskady strategııalyq mańyzy bar qurylystar tizimine endi

ASTANA. KAZINFORM — Ctrategııalyq mańyzy bar sý sharýashylyǵy qurylystarynyń tizimi taǵy bir nysanmen tolyqty, dep habarlaıdy Sý resýrstary jáne ırrıgatsııa mınıstrligi.

 Shyǵys Qazaqstan oblysyndaǵy Oba ózenindegi GES kaskady strategııalyq mańyzy bar sý sharýashylyǵy qurylystarynyń tizimine engizildi

Shyǵys Qazaqstan oblysyndaǵy Oba ózeninde salynatyn gıdroelektrostantsııa kaskady Úkimet qaýlysymen erekshe strategııalyq mańyzy bar sý sharýashylyǵy qurylystarynyń tizimine endi. GES kaskadyn salý sý tasqyny qaýpin azaıtady, óńirdiń eldi mekenderin qorǵaý úshin tasqyn sýlardy senimdi baqylaýdy qamtamasyz etýge múmkindik beredi. Sondaı-aq azamattardy jáne ónerkásiptik nysandardy sýmen jabdyqtaý úshin jalpy syıymdylyǵy 500 mln tekshe metrge deıingi rezervýarlar kesheni qurýǵa múmkindik beredi. 3 myń gektardan astam aýyl sharýashylyǵy alqabyn sýarýǵa jáne qosymsha ekologııalyq taza elektr qýatyn óndirý úshin jaǵdaı jasalady.

— Oba ózeninde GES kaskadyn salý jobasy óńirdiń gıdroenergetıkalyq ınfraqurylymyn damytýǵa eleýdi jeke ınvestıtsııa tartýdy kózdeıdi. Gıdroelektrostantsııa jańartylatyn kózderden elektr qýatynyń qosymsha kólemin óndiredi, bul jasyl ekonomıkany damytý jónindegi ulttyq strategııaǵa sáıkes keledi, — dedi Sý resýrstary jáne ırrıgatsııa mınıstri Nurjan Nurjigitov.

Buǵan deıin QR SRIM Sý sharýashylyǵy komıtetiniń tóraǵasy Arsen Jaqanbaev elimizde sý sharýashylyǵy salasyn basqarý túbegeıli jańǵyrtylyp jatqanyn aıtty.