Nıý-Iorkte «Kazakhstan Finance Day» forýmy ótti
ASTANA. KAZINFORM — Qazaqstan Respýblıkasynyń Ulttyq Banki, AQSh-taǵy Elshiligi jáne Bas konsýldyǵy uıymdastyrýymen, Citigroup, Mastercard, Visa, Solidcore Resources jáne AQSh Saýda palatasymen seriktestikte Nıý-Iorkte «Kazakhstan Finance Day» forýmy ótti.
Іs-shara Citigroup korporatsııasynyń Nıý-Iorktiń iskerlik ortalyǵyndaǵy shtab-páterinde ótip, eki eldiń qarjy-ekonomıkalyq sektorynan 450-den astam ókildi jınady. Qatysýshylardyń arasynda Blackstone, Ashmore, JP Morgan, Cerberus, Apollo Global Management, KKR, Bloomberg sekildi Ýoll Strıttiń iri ınvestorlaryn biriktirdi.
Qazaqstan delegatsııasy QR Ulttyq Bankiniń, Qarjy naryǵyn retteý jáne damytý agenttiginiń, AHQO-nyń, Qazaqstannyń Damý Bankiniń, Qazaqstan qor bırjasynyń, Kaspi.kz, Halyk Bank, Freedom Holding kompanııalarynyń basshylary jáne «Báıterek» Ulttyq basqarýshy holdıngi, «Damý» kásipkerlikti damytý qory sııaqty damý ınstıtýttarynyń ókilderi deńgeıinde usynyldy.
Álemniń basty qarjy ortalyqtarynyń birinde mundaı birinshi Forýmdy ótkizý ekonomıkalyq baılanystardy nyǵaıtýǵa jáne Qazaqstanǵa
ekonomıkalyq tartymdy ınvestıtsııalyq baǵyt retinde jańa ınvestıtsııalar tartýǵa baǵyttalǵan.
«Kazakhstan Finance Day» alańy álemdik qarjy naryǵynyń negizgi oıynshylaryna, ınvestorlar men isker seriktesterge Qazaqstan ekonomıkasynyń damý serpini, onyń áleýeti men aǵymdaǵy ınvestıtsııalyq jobalarymen tanysýǵa múmkindik berdi.
Іs-shara barysynda qatysýshylarǵa Qazaqstan Respýblıkasy ekonomıkasynyń makrosholýy, eldiń qarjy naryǵyndaǵy damý tendentsııalary týraly ózekti aqparat, tsıfrlandyrý salasyndaǵy jetistikter jáne tsıfrlandyrý salasyndaǵy tehnologııalar, qaýipsizdik pen ulttyq qarjylyq ınfraqurylym tıimdiligin arttyrý boıynsha aldaǵy josparlar usynyldy.
Investorlar men naryqtyń kásibı qatysýshylary úshin tikeleı jáne portfeldik ınvestıtsııalar boıynsha jeke sessııalar men prezentatsııalar ótkizildi.
Negizgi baıandamashylardyń, qarjy sektory men salalyq kompanııalardyń jetekshileriniń sózderi amerıkalyq ınvestorlarǵa Qazaqstanda bıznes júrgizýdi jeńildetýge jáne bank zańnamasyn yryqtandyrýǵa arnalǵan túrli qarjy quraldarymen tanysýǵa múmkindik berdi.
Forýmǵa qatysýshylar júrgizilip jatqan ekonomıkalyq reformalardy joǵary baǵalap, olardyń pikirinshe, bul eldiń de, jalpy aımaqtyń da damýynyń jańa vektoryn belgilep, onyń amerıkalyq bıznes úshin tartymdylyǵyn arttyrady. Delegattar turaqty makroekonomıkalyq saıasatty jáne Qazaqstannyń Ortalyq Azııa naryǵyna shyǵýdy qalaıtyn ınvestorlar úshin strategııalyq ortalyq rólin atap ótti.
Іs-shara aıasynda eki eldiń bıznes ókilderi arasynda jeke ekijaqty kezdesýler, sondaı-aq jańa iskerlik baılanystardy ornatý jáne ınvestıtsııalyq yntymaqtastyqty nyǵaıtý maqsatynda netvorkıng sessııalary ótti.
