Nıý-Meksıkodaǵy sý tasqyny: qaza tapqandar bar
ASTANA.KAZINFORM — Seısenbi kúni Nıý-Meksıko shtatynda nóser jańbyr jaýyp, sońy sý tasqynyna ulasty, dep habarlaıdy CBS News.
Jergilikti bıliktiń málimetinshe, úsh adam qaza taýyp, taǵy birneshe adam iz-túzsiz joǵalǵan. Biraq naqty sany áli belgisiz.
On shaqty joldyń opyrylýyna baılanysty jabyldy, sý tartylǵan soń tazalaý jumystary júrip jatyr.
Nıý-Meksıkonyń ishki qaýipsizdik jáne tótenshe jaǵdaılar departamentiniń qyzmetkeri Danıel Sılva Associated Press agenttigine tótenshe jaǵdaılar qyzmeti kem degende 85 qutqarý jumystaryn júrgizgenin aıtty.
Rýıdoso turǵyny Keıtlın Karpenterdiń áleýmettik jelide jarııalaǵan vıdeosynda aǵyndy sýdyń tutas úıdi aǵyzyp áketkenin kórýge bolady.
Buǵan deıin Tramp kórshiles Tehas shtatynda sý tasqynyna baılanysty tótenshe jaǵdaı jarııalaǵan bolatyn.