Nyǵmatýlın: Ultaralyq kelisimniń qazaqstandyq modeli ózge elderge úlgi bola alady

NUR-SULTAN. QazAqparat - Búgin Májilis Tóraǵasy Nurlan Nyǵmatýlın EQYU-nyń az ulttar isteri jónindegi joǵarǵy komıssary Lamberto Zanermen kezdesti, dep habarlaıdy QazAqparat tómengi tómengi palatanyń baspasóz qyzmetine silteme jasap.

Taraptar ekijaqty qarym-qatynasty nyǵaıtýdyń ózekti máselelerin talqylady.

N. Nyǵmatýlın men L. Zaner ásirese, Ultaralyq kelisimniń biregeı qazaqstandyq modeli jáne bizdiń elimizdiń tájirıbesin álemdik deńgeıde paıdalanýdyń múmkindikteri týraly salmaqty oılaryn ortaǵa saldy.

Májilis Tóraǵasynyń pikirinshe, búginde qazaqstandyq qoǵamnyń ultaralyq kelisimi men birligi elimizdiń turaqtylyǵy men damýynyń negizi bolyp sanalady.

Táýelsizdiktiń alǵashqy jyldarynda Qazaqstannyń Tuńǵysh Prezıdenti Nursultan Nazarbaevtyń bastamasymen qurylǵan Qazaqstan halqy Assambleıasy búginde teńdesi joq biregeı ınstıtýtqa aınaldy. Qazirgi ýaqytta Qazaqstanda 100-den astam etnos pen 18 dinı konfessııa ókilderi tatý-tátti turyp jatyr.

Palata spıkeri Qazaqstan EQYU jáne onyń ınstıtýttarymen yntymaqtastyqty nyǵaıtýǵa zor kóńil bóletinin aıtty.

Sonyń ishinde, etnomádenı birlestikterdiń aqparattyq-kommýnıkatsııalyq baǵytyn damytýdyń mańyzy zor.

Óz kezeginde L. Zaner Qazaqstannyń etnosaralyq modeli basqalarǵa úlgi bola alatyndyǵyn, aldaǵy ýaqytta Qazaqstannyń turaqtylyq pen birlik jolyndaǵy tabystary men baı tájirıbesin esepke ala otyryp, birlese is-qımyl jasaý qajettigine toqtaldy. Sondaı-aq «Dostyq úıinde» bolyp, ártúrli ult ókilderimen kezdeskenin olarǵa jasalǵan jaǵdaı men múmkindikter, mádenıet pen tarıhı úndestik qyzyǵýshylyq týdyratynyn jetkizdi.

Taraptar ózara syndarly is-qımyl EQYU keńistiginde qaýipsizdik máselelerine serpin beretinine senimdi.