Nyǵmatýlın TúrkPA Bas hatshysyn qabyldady

ASTANA. QazAqparat - Búgin Májilis tóraǵasy Nurlan Nyǵmatýlın Túrkitildes elder Parlamenttik Assambleıasynyń Bas hatshysy Altynbek Mamaıýsýpovty qabyldady, dep habarlaıdy QazAqparat Májilistiń baspasóz qyzmetine silteme jasap.

Palata Spıkeri A. Mamaıýsýpovty laýazymyna kirisýimen quttyqtap, Qazaqstan Parlamenti TúrkPA aıasyndaǵy yntymaqtastyqty damytýǵa basa mán berip otyrǵanyna toqtaldy.

Sondaı-aq, Májilis tóraǵasy osy baǵyttaǵy birlesken jumys barysynda túrkitildes memleketter arasyndaǵy dostyqty nyǵaıtýǵa mańyzdy úles qosatynyn aıtty.

Kezdesý barysynda Nurlan Nyǵmatýlın 2017 jyldyń jeltoqsanynda Qazaqstannan Qyrǵyzstanǵa aýysqan TúrkPA-ǵa tóraǵalyǵy kezinde túrkitildes elder parlamentteri arasyndaǵy ózara is-qımyl qarqyndy túrde jalǵasatynyna senim bildirdi.