Nurtas Adambaı ekologııalyq ambassador bolyp saılanady
Jıynǵa respýblıkanyń túpkir-túpkirinen kelgen qoǵam belsendileri, volonterler, memlekettik qurylymdar men halyqaralyq uıym ókilderi qatysty.
«Qazirgi kezde adamnyń tabıǵatpen ara qatynasy, bizdiń kúndelikti tirshiligimizdiń qorshaǵan ortaǵa áseri erekshe. Ekologııalyq sanamyzdy ózgertpeı, tabıǵatty qurdymǵa jiberip alýymyz múmkin. Volonterler jylynda tabıǵatty qorǵaýǵa úles qosyp kele jatqan eriktilermen bas qosýdy uıǵardyq. Olar arnaıy mıınstrlik qurylmaı jatyp, qalalar men aýdandardy jaqsartýǵa atsalysqan edi», - dedi QR Ekologııa, geologııa jəne tabıǵı resýrstar mınıstri Maǵzum Myrzaǵalıev slettiń ashylýynda.
Sonymen birge, mınıstr «Birgemiz: Taza Álem» atty jalpyulttyq jobany iske asyratyndaryn jetkizdi.
«Ótken jyly «Birgemiz: Taza Álem» aktsııasyn júrgizgende, ekologııa máseleleriniń qanshalyqty ózekti ekenine kóz jetkizdik. Bul aktsııaǵa myńdaǵan turǵyndar jınalyp, esepsiz kóp qoqys jınadyq. Jalpy qoǵam ekologııalyq bastamalardy jalǵap áketýge daıyn. Sondyqtan, sondyqtan ekologııalyq aktsııany jalǵastyrýymyz qajet. Búgingi jıyn arqyly árbir eriktimen jeke tanysyp, jańa bastamalardy talqylaı alamyz. Qazaqstannyń árbir óńirinen, búkil elimizdegi ekologııalyq bastamalardyń júzege asyrylýyn qadaǵalap otyratyn ambassadorlardy belgileımiz. Olar óz óńiri boıynsha ekologııalyq volonterlerdi jınap, «Taza álem» naýqanynyń belsendi júrgizilýine septigin tıgizedi», - dedi mınıstr.
Ekologııa elshisi atanǵan eriktiler arasynda tanymal qazaqstandyq rejısser, prodıýser Nurtas Adambaı bar.
«Men qaı planetada, qaı memlekette ómir súrip jatqanymyzdy, erteńgi kúni urpaqtarymyzǵa qandaı mura qaldyratynymyzdy umytpaıtyn adamdar qatarynda bolǵym keledi. Adam tabıǵattan bólek ómir súre almaıdy. Adam ózin Jerdiń qojaıyny retinde sezinse, qatty qatelesedi. Barshamyz jer betindegi qonaq ekenimizdi umytpaýymyz kerek. Bizge mura bop jetken dúnıeni aıalap ustaýymyz qajet. Bizdiń elimiz arnaıy mınıstrlik quryp, ózekti máselelerge kóńil aýdardy. Las aýany jutyp otyrsaq, sanamyzda taza oı bolmaıdy. Árbir qazaqstandyq óz ortasynda ekologııa elshisi bolýy tıis», - dedi N. Adambaı.
Jalpy, jıynda qoqystardy suryptaý, qatty-turmystyq qaldyqtardy tutynýdy jəne olardyń paıda bolýyn azaıtý, ekologııalyq sana men tárbıeniń mańyzy, janýarlar men ósimdikter dúnıesin saqtaý, ekologııalyq zańdy buzýshylarmen kúres sekildi mańyzdy máeleler talqylandy.
Máselen, mınımalızm ustanymymen ómir súretin eko-volonter, mektep oqýshysy Arýjan Saharıanova qoqys mólsherin azaıtýdy nasıhattap júr.
«Qazir Zero Waste (Qoqysty azaıtý) ómir saltyn otbasym men dostaryma nasıhattap júrmin. ıAǵnı, qoqysty qaıta óńdeýge bergennen, onyń paıda bolýyn azaıtý tıimdirek. Máselen, dúkendegi plastık paketterdi qoldanbaı, shúberek dorba alyp júrý, plastık bótelkedegi sýdy satyp almaı, jeke bótelkemen júrýge bolady. Sebebi, plastık eń kemi 500 jylda joıylady. Sonymen birge, qoqysty kúresinge laqtyrmaı, qaıta óńdeýge aparamyn. Jalpy, mınımalızm saltyn ustanýǵa kóship, tabıǵattan tek keregimizdi ǵana alǵan jón. Sebebi, biz tabıǵatqa tek resýrs retinde qaraımyz, onyń bir kúni sarqylatynyn oılamaımyz», - deıdi Arýjan.
